1 Juan 4:2 - Marahay na Bareta Biblia

² Mamimidbidan nindo na iyan Espiritu nin Dios sa paaging ini: an nagpapahayag na si Jesu-Cristo nagin tawo, may Espiritu na hale sa Dios.

1 Juan 4:2 Iomraidhean Croise

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

1 Corinto 12:3

Kaya boot kong maaraman nindo na mayo nin siisay man na nagtataram sa kapangyarihan kan Espiritu Santo na makakasabi, “Maldisyonon si Jesus!” Mayo man nin makakasabi, “Si Jesus an Kagurangnan!” kun dai siya ginigiyahan kan Espiritu Santo.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

1 Juan 1:2

Kan ihayag na an buhay, nahiling mi iyan dangan pinatotoohan mi man saindo. Ipinapahayag mi saindo an buhay na iyan na daing kataposan na kaiba kan Ama asin ipinahayag samo.

1 Juan 2:23

Huli ta an siisay man na nagnenegar sa Aki, nagnenegar man sa Ama; an minaako sa Aki, minaako man sa Ama.

1 Juan 4:15

An magpatotoo na si Jesus iyo an Aki nin Dios, nagdadanay sa Dios dangan an Dios nagdadanay saiya.

1 Juan 4:3

Alagad an magnegar kan bagay na ini dapit ki Jesus, mayo kan Espiritu na hale sa Dios. An espiritung yaon saiya hale sa Anti-Cristo, na nadangog nindo na maabot, asin ngunyan talagang yaon na digdi sa kinaban.

1 Juan 5:1

An siisay man na nagtutubod na si Jesus iyo an Cristo, aki nin Dios; an siisay man na namomoot sa ama, namomoot man sa aki.

2 Juan 1:7

Dakul nang paradaya an nakalakop sa kinaban, mga tawong dai nag-aako na si Jesu-Cristo nagin tawo. An siring na tawo paradaya saka Anti-Cristo.