1 Juan 2:9 - Marahay na Bareta Biblia

⁹ An siisay man na nagsasabi na siya nasa liwanag, alagad naoongis sa saiyang tugang, nasa kadikloman pa.

1 Juan 2:9 Iomraidhean Croise

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

Salmo 82:5

“Mayo sinda nin kadonongan o pakasabot! Naglalakaw sinda sa kadikloman; mayo na nin hustisya sa kinaban.

Levitico 19:17

“Dai kamo magtanom nin maraot na boot sa kiisay man; makipag-olay kamo saiya, tanganing dai kamo magkasala huli saiya.

Juan 9:41

Nagsimbag si Jesus, “Kun kamo mga buta, dai kutana kamo nin kasalan. Alagad huli ta sinasabi nindong nakakahiling kamo, nangangahulugan iyan na nagkakasala kamo.”

Mga Gibo 1:15

Pakalihis nin nagkapirang aldaw, nagtiripon an mga syento beynteng paratubod. Nagtindog si Pedro saka nagtaram,

2 Pedro 1:9

Alagad an siisay man na mayo kan mga bagay na ini, garo sarong buta o harap; nalilingawan niya na pinatawad na siya kan mga kasalan niya kaidto.

1 Juan 1:6

Kaya kun sinasabi ta na nakikisumaro kita saiya, alagad namumuhay kita sa kadikloman, nagpuputik kita sa satong pagtaram saka sa satong gibo.

1 Juan 2:11

Alagad an naoongis sa saiyang tugang nabubuhay sa kadikloman; naglalakaw siya sa kadikloman asin dai niya aram kun saen siya maduman, huli ta binuta siya kan kadikloman.

1 Juan 2:4

Kun may nagsasabi, “Midbid ko siya,” alagad dai nagkukuyog kan saiyang mga togon, putikon siya saka mayo saiya an katotoohan.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 4:20

Putikon an siisay man na nagsasabi, “Namomotan ko an Dios,” alagad naoongis sa tugang niya. Kun dai niya namomotan an saiyang tugang na nahihiling niya, paano niya mamotan an Dios na dai niya nahihiling?