1 Juan 2:5 - Marahay na Bareta Biblia

⁵ Alagad an nagkukuyog kan tataramon nin Dios, sa saiya yaon nanggad an kapanoan kan pagkamoot sa Dios. Sa paaging ini maaaraman ta na kita talagang nasa Dios;

1 Juan 2:5 Iomraidhean Croise

Salmo 105:45

Tanganing otobon ninda an saiyang kabotan asin kuyogon an saiyang mga katogonan. Omawon an Kagurangnan!

Salmo 106:3

Paladan an mga nag-ootob kan saiyang kabotan, an danay na naggigibo nin katanosan.

Salmo 119:146

Minaagrangay ako saimo; ligtasan ako, asin ootobon ko an saimong mga katogonan.

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Salmo 119:4

Itinao mo samo an saimong mga togon Kagurangnan, asin pinagbotan na maimbod nyamong kuyogon iyan.

Mga Talinhaga 28:7

Madonong an nagkukuyog kan katogonan, alagad an nakikipagkatood sa mga maraot kasosopgan kan saiyang ama.

Mga Talinhaga 8:32

“Kaya ngunyan, mga aki ko, hinanyoga nindo ako. Giboha nindo an sinasabi ko, asin magigin maogma kamo.

Parahulit 8:5

An minakuyog kan kabotan kan hade dai namumugtak sa pag-alaman; an sarong madonong na tawo nakakaaram kan paagi asin kun nuarin gibohon iyan.

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

Juan 15:5

“Ako an poon, kamo an mga sanga. An magdanay sako, asin ako saiya, mamumunga nin dakul; huli ta kun suhay kamo sako, mayo kamong magiginibo.

Juan 6:56

An magkakan kan hawak ko saka mag-inom kan dugo ko magdadanay sako; ako magdadanay saiya.

Roma 8:1

Kaya mayo na nin paghukom sa mga tawong namumuhay ki Cristo Jesus.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Santiago 2:22

Dai mo nasasabotan? An pagtubod ni Abraham may kaibang gibo; an pagtubod niya nagkaigwa nin kapanoan huli kan saiyang ginibo.

1 Juan 3:24

An siisay man na nag-ootob kan mga togon nin Dios, yaon sa Dios, asin an Dios yaon saiya. Aram nyato na yaon sato an Dios huli kan Espiritu Santo na itinao niya sato.

1 Juan 4:17

Sa paaging ini naootob sato an kapanoan kan pagkamoot tanganing magkaigwa kita nin kosog nin boot sa Aldaw nin Paghukom, huli ta an satong buhay sa kinaban na ini pareho kan buhay ni Cristo.

1 Juan 4:18

Sa pagkamoot mayo nin pagkatakot; huli ta an pagkatakot hinahale kan tunay na pagkamoot. Kaya bako pang tunay an pagkamoot kan tawong natatakot, huli ta an padusa kaiba kan takot.

1 Juan 5:2

Huli kaini aram nyato na namomoot kita sa mga aki nin Dios, kun namomotan ta an Dios asin kinukuyog ta an saiyang mga togon.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.

2 Juan 1:6

An boot sabihon kan pagkamoot na ini iyo na mamuhay kita sosog sa mga togon nin Dios. An togon na nadangog nindo poon pa kaidto iyo ini: dapat na mamuhay kamo gabos sa pagkamoot.

Kapahayagan 12:17

Naanggot nin makuri an dragon sa babae, kaya kinalaban niya an ibang kapagarakian kan babae na nagkukuyog kan mga katogonan nin Dios asin nagsasaksi ki Jesus.

Kapahayagan 14:12

Huli kaini, an mga banal dapat na makatagal; kaipuhan na magkuyog sinda kan mga togon nin Dios asin magdanay sa pagtubod ki Jesus.