1 Juan 2:10 - Marahay na Bareta Biblia

¹⁰ An namomoot sa saiyang tugang nagdadanay sa liwanag, kaya mayo saiya nin anoman na gigikanan nin pagkasala nin iba.

1 Juan 2:10 Iomraidhean Croise

Salmo 119:165

Dakulang katoninongan an nakakamtan kan mga namomoot sa saimong katogonan; mayo nin makakapasingkog sa sainda.

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Mateo 13:21

Alagad dai nakatadom nin marahay an nadangog kaya dai nahaloy; pag-abot kan karibokan o kasakitan dahel sa tataramon, minabaya tolos sinda.

Mateo 18:7

Herak man sa kinaban huli sa mga nakakapakasala sa mga tawo! Kaipuhan nanggad na mag-abot an mga pagsugot, alagad herak man sa tawong nagigin dahelan nin pagkasala!

Juan 11:9

Nagsimbag si Jesus, “Bakong doseng oras an bilog na maghapon? Dai nasisingkog an naglalakaw kun aldaw, huli ta nahihiling niya an ilaw sa kinaban na ini.

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Juan 8:31

Dangan sinabihan ni Jesus an mga tawong nagtutubod saiya, “Kun danay na magkuyog kamo kan sakong katukdoan, tunay ko kamong mga disipulo;

Roma 14:13

Kaya dai na kita maghukom sa kapwa. Kundi maghingowa nanggad na dai magin dahelan nin pagkasingkog o pagkasala kan sarong tugang.

Filipos 1:10

tanganing mapili nindo an pinakamarahay. Dangan magigin malinig kamo asin mayo nin sala pag-abot kan Aldaw ni Cristo.

2 Pedro 1:10

Kaya, mga tugang, orog na magmahigos kamo sa pagpatotoo na talagang inapod saka pinili kamo nin Dios. Kun gibohon nindo ini dai kamo mahuhulog sa kasalan.

1 Juan 2:11

Alagad an naoongis sa saiyang tugang nabubuhay sa kadikloman; naglalakaw siya sa kadikloman asin dai niya aram kun saen siya maduman, huli ta binuta siya kan kadikloman.

1 Juan 3:14

Aram ta na binayaan ta na an kagadanan asin nakaabot na kita sa buhay, huli ta namomotan ta an satong mga tugang. An siisay man na dai namomoot yaon pa sa kapangyarihan kan kagadanan.