1 Juan 1:2 - Marahay na Bareta Biblia

² Kan ihayag na an buhay, nahiling mi iyan dangan pinatotoohan mi man saindo. Ipinapahayag mi saindo an buhay na iyan na daing kataposan na kaiba kan Ama asin ipinahayag samo.

1 Juan 1:2 Iomraidhean Croise

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 1:4

Nasa saiya an buhay; an buhay na ini iyo an nagtatao nin liwanag sa mga tawo.

Juan 10:28

Tinatawan ko sinda nin buhay na daing kataposan, asin dai nanggad sinda mawawara; mayo nin makakaagaw sainda sako.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Juan 15:27

Kamo man magpapatotoo dapit sako, huli ta kaiba ko kamo poon pa sa kapinonan.

Juan 16:28

Gikan mananggad ako sa Ama saka nagdigdi ako sa kinaban; ngunyan mahale na ako sa kinaban tanganing magbalik sa Ama.”

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 17:5

Kaya, Ama, tawan sako ngunyan an kamurawayan na yaon sako kan kaiba mo ako bago lalangon an kinaban.

Juan 19:35

An nakahiling kan nangyaring ini iyo an nag-osipon dapit kaini, tanganing magtubod man kamo. Totoo an pagsaksi niya asin aram niyang katotoohan an sinasabi niya.)

Juan 21:14

Iyo ini an ikatolong pagpahiling ni Jesus sa saiyang mga disipulo poon na mabuhay siya liwat.

Juan 3:13

Mayo pa nin nakasakat sa langit kundi an Aki nin Tawo na naghilig hale sa langit.”

Juan 7:29

Alagad midbid ko siya, huli ta hale ako saiya saka sinugo niya ako.”

Juan 8:38

Itinataram ko an ipinahiling sako kan sakong Ama; alagad ginigibo nindo an nadangog nindo sa saindong ama.”

Mga Gibo 10:41

bako sa gabos na tawo, kundi samo sana na pinili nin Dios na magin mga saksi. Nagkakan saka nag-inom kami sa kaibahan niya pakatapos na mabuhay siya liwat.

Mga Gibo 2:32

Huli ta binuhay liwat nin Dios si Jesus; mga saksi kami kaini.

Mga Gibo 3:15

asin ginadan nindo an Ginigikanan nin buhay. Alagad binuhay siya liwat nin Dios asin mga saksi kami kaini.

Mga Gibo 5:32

Saksi kami sa mga bagay na ini—kami asin an Espiritu Santo, na itinao nin Dios sa gabos na nagkukuyog saiya.”

Roma 8:3

Ginibo nin Dios an dai magibo kan Katogonan ni Moises huli ta maluya an laman. Sinilotan nin Dios an kasalan na nasa tawo kan ipadara niya an sadiri niyang Aki, na nagin siring sa tawo, bilang atang para sa kasalan.

Galacia 4:4

Alagad kan umabot na an tamang panahon, sinugo nin Dios an sadiri niyang Aki, ipinangaki nin sarong babae dangan nabuhay sa irarom kan Katogonan kan mga Judio.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

2 Timoteo 1:10

alagad ipinahayag na ngunyan sato huli kan pag-abot kan satong Paraligtas na si Cristo Jesus. Dinaog niya an kapangyarihan nin kagadanan; sa paagi kan Marahay na Bareta, ipinahayag niya an buhay na daing kataposan.

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

1 Pedro 5:1

Bilang saro man na kamagurangan, igwa akong ipapakiolay saindo, mga kamagurangan kan simbahan. Nasaksihan ko an mga kasakitan na inagihan ni Cristo, asin magigin kahiras man ako kan kamurawayan na madali nang ihayag.

1 Juan 1:1

Sinusuratan mi kamo dapit saiya na yaon nang dati poon pa sa kapinonan—an tataramon nin buhay. Nadangog saka nahiling mi siya mismo; napagmasdan saka nakapotan mi siya.

1 Juan 2:25

Ini an ipinanuga sato ni Cristo—buhay na daing kataposan.

1 Juan 3:5

Aram nindo na nagdigdi si Cristo tanganing haleon an satong mga kasalan; asin siya mayo nin kasalan.

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.

1 Juan 4:14

Nahiling mi saka ibinabareta mi sa iba na sinugo kan Ama an saiyang Aki tanganing magin Paraligtas kan gabos na tawo sa kinaban.

1 Juan 4:2

Mamimidbidan nindo na iyan Espiritu nin Dios sa paaging ini: an nagpapahayag na si Jesu-Cristo nagin tawo, may Espiritu na hale sa Dios.

1 Juan 5:11

An patotoo iyo ini: tinawan kita nin Dios kan buhay na daing kataposan; an buhay na iyan yaon sa saiyang Aki.

1 Juan 5:13

Sinusurat ko ini saindo na mga nagtutubod sa ngaran kan Aki nin Dios, tanganing maaraman nindo na igwa kamo nin buhay na daing kataposan.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.