1 Juan 1:10 - Marahay na Bareta Biblia

¹⁰ Kun sabihon tang dai kita nagkasala, ginigibo tang putikon an Dios, asin mayo sato an saiyang tataramon.

1 Juan 1:10 Iomraidhean Croise

An Libro ni Job 15:14

“Pwede daw na magin malinig an sarong tawo? Pwede daw na magin matanos an siisay man sa Dios?

An Libro ni Job 24:25

Kun bako iyan totoo, siisay an mapatunay na nagpuputik ako, asin siisay an makakapahayag na mayo nin kahulogan an sinasabi ko?”

Salmo 130:3

Kagurangnan, kun itinala mo an mga kasalan, siisay an matagal, Kagurangnan?

Jeremias 2:35

nagsasabi ka, ‘Mayo ako nin sala; siguradong mayo na an kaanggotan nin Kagurangnan sako!’ Alagad ako, an Kagurangnan, an mapadusa saimo huli ta pinagnenegaran mo na nagkasala ka.

Juan 3:33

An minaako kan saiyang patotoo minapahayag na totoo an sinasabi nin Dios.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

1 Juan 1:8

Kun magsabi kita na mayo kita nin kasalan, dinadaya ta an sadiri ta, asin mayo sato an katotoohan.

1 Juan 2:14

Sinusuratan ko kamo, mga aki, huli ta midbid nindo an Ama. Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta kamo makokosog asin an tataramon nin Dios nagdadanay saindo patin dinaog nindo an Maraot.

1 Juan 2:4

Kun may nagsasabi, “Midbid ko siya,” alagad dai nagkukuyog kan saiyang mga togon, putikon siya saka mayo saiya an katotoohan.

1 Juan 4:4

Alagad sadiri kamo nin Dios, mga aki. Dinaog na nindo an mga bakong tunay na propeta, huli ta an Espiritu na yaon saindo mas mapangyari ki kan espiritu na yaon sa mga tawong sadiri kan kinaban.

1 Juan 5:10

Kaya an siisay man na minatubod sa Aki nin Dios igwa kan patotoong ini sa saiyang puso; alagad an dai minatubod sa Dios, ginigibo niyang putikon an Dios, huli ta dai siya minatubod kan sinabi nin Dios dapit sa saiyang Aki.

2 Juan 1:2

huli ta an katotoohan nasa sato asin magdadanay sato sagkod pa man.