Zefaniya 3:8 - Livulu lya Shukulu Kalunga

⁸ Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Zefaniya 3:8 Iomraidhean Croise

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 123:2

Ngwe vangamba valinakuyoyela kuli shukulu yavo wa munalume, ngwe lalo ngamba wa mumbanda alinakuyoyela kuli shukulu yendi wa munakazi, ngeci mesho etu akenga kuli yove, Shukulu Kalunga Njambi yetu, noo utuzivilako mema ku mbunge.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 37:34

Aka cinyangavili cove muli Shukulu Kalunga ononoka mashiko endi, akakusingimika nakukwana lifuti, co ukamona vaka-vuvi vavashekamo.

Myaso 37:7

Simpa nakuvandamena Shukulu Kalunga ngeci apange, kesi ushote mbunge ali vaje vanafuku, nambe vaje valinakuya kulutwe a matumbe avo a vuvi.

Myaso 62:1

Kukwesi kweka kwakutewela kuvanga kuli Njambi lika, kwamena kwange kutunda kuli ikeye.

Myaso 62:5

Kukwesi kweka kwakutewela kuvanga kuli Njambi lika, omwo cinyangavili cange citunda kuli ikeye.

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Myaso 79:6

Hisa miyati ya vanu vaje kuvakuzivuka, vanu vaje kuvesi kukulemesa!

Visimo 20:22

Kesi ulilingile shambandinga a vuvi. Kulaela lika kuli Shukulu Kalunga, co akakwamena.

Myaso ya Solomoni 8:6

Njake mu mbunge yove ngwe cimweso, ngwe cimweso ca ku livoko lyove. Omwo cizemo cakala na nzili ngwe kutsa, lifuwa lyakala na muuka ngwe vukalo vwa vatsi. Vukalu vwaco vwapwa ngwe milangi ya tuhya twakama.

Isaya 14:26

Ovu vukevwo vutumbe vwange a kaye koshe, co livoko lyange lya nzili njinalyolola mukuhisa miyati ya vanu.”

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 34:2

Shukulu Kalunga naluvala na miyati ya vanu voshe, na mashwalale vavo voshe. Ikeye navasompela kutsa.

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Njelemiya 10:25

Vukalu vwove vwije a miyati ije kuvesi kukulemesa, na ali vanu vaje vaka-kukuvyana. Vanatsii vanu vove, vanatunyongesa njwa nakuseza lifuti lyetu ngundu.

Hoziya 12:6

Ngecivene, ololo yeni vatekulwila va Yakomba, kulaeleni kuli Njambi yeni nakwiluka kuli ikeye. Pweni vaka-kulongwa nakupwa vanu va vushunga, co vandameneni nakusimpa ngeci Njambi yeni apange.

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Hangai 2:22

nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

Mateo 25:32

Co miyati yoshe vakakungulukila kuli ikeye. Asinoni akavangununa vamo oku, vakwavo oku, ngwe muje kanyungi akaangununa vimanga kuvatundisa ku vimembe.

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”

Kujombolola 16:14

Vakevo vanapu minzinzime yakujwala ije ikalingi vizivukiso. Eyi minzinzime itatu ikayi kuli vimyene va ano a kaye oshe nakuvakungulwila amo lika ku nzita a Litangwa lyakama lya Njambi Muka-nzili yoshe.