Zefaniya 3:5 - Livulu lya Shukulu Kalunga

⁵ Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

Zefaniya 3:5 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Yombi 34:10

“Ngecivene, njitolilileni, yeni vanalume vaka-kuzivisisa! Njambi kesi kulinga vuvi nambe kamandondo, co Muka-nzili yoshe kesi kulinga vuvi embwe.

Yombi 7:18

Yove u muka-kumwindwisa a mutondo na mutondo, co ukamwilula a kasimbu na kasimbu.

Yombi 8:3

Njambi kesi kupengesa-pengesa vushunga, ikeye kesi kujuka kulinga vya vushunga.

Myaso 145:17

Shukulu Kalunga wapwa wa vushunga mu vyuma vyendi vyoshe vyakalingi, wakala na mema ku mbunge mu vilinga vyendi vyoshe.

Myaso 37:6

akavyazimisa vushunga vwove ngwe litanya lya akati ka mutwe.

Myaso 92:15

Eci cimwesa ngeci Shukulu Kalunga wapwa wa vushunga, kumwesi vuvi muli muka-kunjinyunga.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 28:19

Mutondo na mutondo, mutanya na vutsiki livazi lyakujujwisa likamyungumuna. Co lijwi limo na limo lyakutunda kuli Njambi likaminenela lyova!

Isaya 33:2

Shukulu Kalunga, tuzivileko mema ku mbunge. Tunaka cinyangavili cetu muli yove. Tunyunge a litangwa na litangwa nakutwamena mu simbu ya tuyando.

Isaya 45:21

Ambululeni vin̄anda vyeni ku mbanja, vaje vashaka kulyamena valihule umo na mukwavo. Iya wambulwile vyuma vya ku san̄ulu ngeci vikalingiwe? Kuma kesi yange Kalunga, Njambi muka-kwamena vanu vendi ndi? Kukwesi njambi weka lalo wai.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Mbimbi 3:23

Vyapwa vyaviha mutondo na mutondo, kulongwa kwove Shukulu Kalunga, kwapwa kwakama manene.

Ezekiyele 18:25

“Oloni mwendeka ngweni, ‘Vije vyalinakulinga Shukulu Kalunga kesi vya vushunga embwe.’ Tolilileni kuli yange, yeni vaIsalele. Kuma mulinakuyongola ngweni ngila ije njilinakulingilamo vyuma kesi ya vushunga ndi? Ngila yeni ikeyo kesi ya vushunga.

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

Hambakuke 1:3

Omwo vikajo njimwena tuyando twangacije? Omwo vikajo utavesela vanu ngeci valinge vuvi vwangacije? Kulijokota na lwozi vyoshe vinanjizengeleka. Co kwoshe-ikwoshe kuli kulilwisa nakulizunga.

Zefaniya 2:1

Yeni muyati wa vanu vakujeneka shwamwa, yongoleni a vuvi vweni, co tengulukeni

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Zefaniya 3:15

Shukulu Kalunga namanesa cihiso ceni, natundisa vitozi veni voshe. Shukulu Kalunga mwene wa Isalele ali amo neni, kukwesi cuma ceka lalo cakumizivisa lyova cai.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Luka 12:2

Kukwesi cuma cakufwika civakonwa kufukula nambe cuma cakwendekela mu vushweke kuvanga cikajomboloke.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 3:26

oloni ku simbu ino alinakuhisa vuvi vwa vanu, mukumwesa vushunga vwendi. Mu ngila eyi vene Njambi alinakumwesa ngeci ikeye vavenya napu muka-vushunga, co munu woshe uje akulaela kuli Yesu Njambi amupwisa muka-vushunga.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

Kwituluka mu Mashiko 23:14

Mu ngila eyi mukanyunga cilombo ceni cikapwe cakujela, omwo Shukulu Kalunga Njambi yeni ali amo neni mu cilombo ceni mukuminyunga ngeci mukafungulule vitozi veni. Kesi mulinge cuma cimo ca vunyengwe cije cikaluvalesa Shukulu Kalunga ngeci amikengese nima.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.