Zefaniya 3:20 - Livulu lya Shukulu Kalunga

²⁰ Simbu ilinakwija! Njikelwisila vanu veni kwimbo vaje valishandokele, co njikamitsimanesa mu kaye mwoshe, co mukakala mwamuvwa lalo ngwe laja.” Mukemwo mwanendeka Shukulu Kalunga.

Zefaniya 3:20 Iomraidhean Croise

Myaso 35:6

Vingila vyavo vipwe vya lisusulungu nakuseneta, omo kangelo ka Shukulu Kalunga avapupa nakuvawisila asi!

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Isaya 60:15

“Nameme vakwivalele nakukuzinda, njikakupwisa nganda yakama yaivwa, mutambela wa kulyalesa nawo ku myaka yoshe.

Isaya 61:9

Vakatsimana akati ka miyati ya vanu, munu woshe uje akavamona akavazivuka ngeci vanapu vanu vaje vanjinavezikisa.”

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Ezekiyele 16:53

Shukulu Kalunga wendekele ku Yelusalema ngwendi, “Njikavezikisa Sondoma na membo endi, na Samaliya na membo endi. Eyo, nove lalo njikakuvezikisa.

Ezekiyele 28:25

Shukulu Kalunga wa Akamwa ya Vyoshe wendekele ngwendi, “Njikelwisa vanu va Isalele kutunda ku miyati kuje kunjavashandwelelele, co miyati yoshe vakazivuka ngeci yange njapwa wakujela. Vanu va Isalele vakakala mu lifuti lyavo, lifuti lije linjanene kuli ngamba yange Yakomba.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 37:12

Ngecivene, ambulula vuka-kwimanena kuli vanu vange va Isalele valeke ngwove yange Kalunga wa Akamwa ya Vyoshe, njikashokolola vimbumbo vyavo. Njikavatundisamo, nakuvelwisa mu lifuti lya Isalele.

Ezekiyele 37:21

Asinoni valeke ngwove yange Kalunga wa Akamwa ya Vyoshe, njikatundisa vanu vange voshe akati ka miyati kuje vaile, njikavakungulwila amolika, co njikavelwisila ku lifuti lyavo vavenya.

Ezekiyele 39:13

Munu woshe uje wakala mu lifuti eli akakwasa mukutsinda, co vakavasingimika a cuma eci a litangwa lyange lyakuhyana. Munjinendeka yange Kalunga wa Akamwa ya Vyoshe.

Ezekiyele 39:28

Asinoni vanu vange vakazivuka ngeci yange njapwa Kalunga Njambi yavo. Vakazivuka cuma eci omwo yange njavatwalele ku vunzinda, co ololo njikavakungulula nakuvelwisila mu lifuti lyavo vavenya, naumo wai wa ali vakevo akasala munima.

Njwele 3:1

Shukulu Kalunga alinakwendeka ngwendi, “A simbu ije njikelwisa vivezikiso vya Yunda na Yelusalema.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Malakiya 3:12

Miyati yoshe ya vanu vakamitumbula vaka-kuvezika, omwo lifuti lyeni likapwa lyalivwa kukalamo.”

Kwituluka mu Mashiko 26:18

Co lalo litangwa lya lelo Shukulu Kalunga nendeka ali yeni ngeci munapu mu vanu vendi, ngwe muje wamikulaesele. Co lalo munapande kunyunga mashiko endi oshe,

Kwituluka mu Mashiko 26:19

ngeci akamipwise muyati wakama kutuvakana miyati yeka yoshe ije yatangele, ngeci vakamishangazale, na lutsimo, na kalemeso. Co mukapwa mu vanu vakujela kuli Shukulu Kalunga Njambi yeni ngwe mwamikulaesele.”