Zefaniya 3:14 - Livulu lya Shukulu Kalunga

¹⁴ Imbeni nakutambeka nakujolela yeni vanu va mu Isalele! Joleleni na vimbunge vyeni vyoshe yeni vanu va mu Yelusalema!

Zefaniya 3:14 Iomraidhean Croise

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Myaso 14:7

Kwamena kwa Isalele kwije kutunda ku Siyone! Omo Shukulu Kalunga akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 149:2

Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

Myaso 97:8

Yove Shukulu Kalunga omo vanu va Siyone na vanu va Yunda vaziva kusompa kwove kwa vushunga, co vajolela.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 37:22

Shukulu Kalunga nendeka ngwendi, “Nganda ya Yelusalema ilinakujola yove, Senakelivi, nakukushendumuna.

Isaya 40:1

Njambi yetu alinakwendeka ngwendi, “Zembelekeni vanu vange. Vazembelekeni!

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 54:1

Yelusalema, unafu ngwe munakazi wa vana, oloni ololo wasa kwimba nakutambeka nakujolela. Ololo ukakala na vana vavangi kutuvakana munakazi uje nashomboka simbu yakama.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Mika 4:8

Ngwe ali yove Yelusalema, muje mwalinakunyungila Njambi vanu vendi, ngwe kanyungi ali a kaposhi kendi mukunyunga vanu vendi, ukapwa nganda yakama ya vumwene vuje vwapwile vwove akulivanga.

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”