Zefaniya 3:1 - Livulu lya Shukulu Kalunga

¹ Yelusalema inanyongo, nganda ya vanu vaka-kutengulukila, na vaka-vuvi, vantwama vayo vakayandesa vanu vavo.

Zefaniya 3:1 Iomraidhean Croise

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Isaya 59:6

Oloni matumbe eni kesi amamvwa embwe, akewo anapu angoco ngwe vwanda vwa kavuvi!

Njelemiya 22:17

Oloni viyongola vyove vinapu vya muuka lika, utsiya vanu vakujeneka mulonga, nakuyandesa vanu vove na muuka. Mwanendeka Shukulu Kalunga.

Njelemiya 5:23

Oloni yeni vanu mwakaluwa vimbunge, mu vaka-kutenguluka, co munanjiseze nakutengulukila kweka.

Njelemiya 6:6

Shukulu Kalunga Muka-nzili yoshe nashiki vimyene ava kushinja miti nakuyilundika mitumbo ngeci vaijeke a vivumbe vya Yelusalema. Shukulu Kalunga nendeka ngwendi, “Njikanyanyamesa eyi nganda, omwo muli vanu vavangi vaje valinakuyandesa vakwavo.

Njelemiya 6:7

Vuvi vwa Yelusalema vulinakuzinzuka ngwe mwakazinzuka mema mu lisima. Njilinakuziva lwozi nakunyongesa mu nganda, co lalo njilinakumona mishongo na vanu vaje vanavulumuka valinakutsa.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Ezekiyele 23:30

vikevyo vinanena evi ali yove. Yove wapwile cikwizi ca miyati yoshe, co walijwalesele na tumponya twavo.

VaLevi 1:16

Vakatundise lijakwilo na vije vilimo, vakavyumbile ku mutambela wa mu ngangela ya mutula, kuje ku lishito lya lito.

Amose 3:9

Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Zakaliya 7:10

Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.