Zefaniya 2:2 - Livulu lya Shukulu Kalunga

² simbu kanda vacimitwale kulyala ngwe lijungu lipekumuka na lihunzi, simbu kanda litangwa liije omo Shukulu Kalunga akasholola vukalu vwendi nakuminyanyamesa ngwe tuhya mutukenyeka vyuma.

Zefaniya 2:2 Iomraidhean Croise

Yombi 21:18

Nakuvapekumwina kulyala ngwe mwila upekumuka na kankumba, nambe ngwe likungu lipekumuka na lihunzi?

Myaso 1:4

Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

Myaso 2:12

tsembeni myanja yendi, kutewa aluvala ngeci munyonge vwasi-vwasi, omwo vukalu vwendi vushwama vwasi. Vavezika voshe vaje vatewela muli ikeye.

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Njelemiya 23:20

vukalu vwa Shukulu Kalunga kuvukahu kuvanga noo namanesa kulinga vyuma vyoshe vije vyayongwele kulinga. Ku matangwa a kulutwe vanu vendi vakazivisisa vyuma evi mwamuvwa.”

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 12:25

Yange Kalunga, njikendeka kuli vakevo, co vije vinjikendeka vikalingiwa. Kwishwala kucikakalako lalo embwe. Mu simbu yakuyoya kweni kwoshe, yeni vaka-kutengulukila, njikalinga vije vinjaminangwile ngeci njikavilinga. Yange njinendekamo,” mwalinakwendeka Shukulu Kalunga wa Akamwa ya Vyoshe.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Mateo 24:35

Lilu na asi vikaita, oloni majwi ange kuwakaiti embwe.