Zefaniya 2:15 - Livulu lya Shukulu Kalunga

¹⁵ Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Zefaniya 2:15 Iomraidhean Croise

Yombi 16:4

Nga yeni mwapwile ngwe yange, nange ngwe njapwile ngwe yeni, nga njasa kwendeka vyuma vyoshe vije mulinakwendeka. Nga njasa kumipikisila mutwe wange, nakumisindakana na majwi amangi.

Yombi 27:23

Vakavakandela vimbanda, nakuvasheka na mulozi ku myela yavo.”

Isaya 22:2

Nganda yoshe ilinakutambeka, inashulu na muyoyo nakutangalala. Vanu vaje vanalala mu vitapalo omwo yakupenda kuvavatsiile mu nzita.

Isaya 32:11

Munakele nakuyoya mwamuvwa kujeneka kulishoshomwena, oloni ololo, jajeni na lyova! Shululeni vuzalo vweni, co zaleni vikeleya.

Isaya 32:14

Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.

Isaya 32:9

Yeni vanakazi vaje valinakuyoya mwamuvwa, kumwesi nevi vyakulishoshomwena, tolilileni ku vije njilinakwendeka.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Njelemiya 18:16

Lifuti lyavo vanalipwisa lyakukomokesa, likapwa lyakushauka ku myaka yoshe. Voshe vaje vaketilamo vakalisimoka a vije vakamonamo, vakaningangesa mitwe yavo nakulikomokela.

Njelemiya 19:8

Co njikaviisa manene Yelusalema ngeci vanu voshe vakaitako vakalikasamena nakuziva lyova.

Njelemiya 50:13

Omwo a vukalu vwange, naumo wai akakala mu Mbambilone, oloni ikapwa ngundu yangoco, co voshe vaketilako vakalisimoka nakulikomokela.

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Mbimbi 2:15

Vanu vaita mu nganda vakushendumuna omo vakukenga. Valipika ku mitwe yavo nakujola akuviya kwa Yelusalema ngwavo, “Eyi ikeyo vene nganda ije yaivwa? Nganda yakujolela ano a kaye oshe?”

Ezekiyele 27:36

Yove unai, unai ku myaka yoshe, co vaka-kulandesa vaje vali akati ka vanu vanalikasamena, kutsa kwove kunapu kwakuvi manene, kuvashaka ngeci na vakevo lalo vawile mu luvinda olu.”

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Nahumi 3:19

Kukwesi cemba cakukwita a vimbandu vyove caiko, co lalo naumo wai asa kusaka vimbandu vyove. Vaje voshe vaziva muzimbu wakunyonga kwove vajolela nakutwa tuwelele. Naumo wai waputumukile ku muuka wove.

Hambakuke 1:7

Vakevo valingisa vanu kwoshe-ikwoshe kujaja na lyova, co valyalesa nakuliziva ngeci vyoshe vali na kulinga vinapu vya vushunga, co lalo valinakukava lishiko.

Mateo 27:39

Co vanu vakele nakwita kuje vaningangesele mitwe yavo nakushaula Yesu,