Zefaniya 1:7 - Livulu lya Shukulu Kalunga

⁷ Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Zefaniya 1:7 Iomraidhean Croise

Yombi 24:1

“Omwo vikajo Njambi Muka-nzili yoshe kemikile simbu yakusompesa, kupwa litangwa lya vushunga kuli vaje vamupangela?

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Isaya 13:3

Shukulu Kalunga nashiki mashwalale vendi vakwanguka nakusimpa kulwa nzita yakujela nakuhisa vanu vaje vanaluvalela.

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Isaya 34:6

Mukwale wendi ukashula na maninga na mazi avo, ngwe maninga na mazi a vana va vimanga na vimembe vakukombelela. Shukulu Kalunga akatsiya vanu vavangi nakuvapwisa n̄ombelo mu nganda ya Mbozile, na mu mitambela yeka ya mu lifuti lya Endome.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Ezekiyele 7:7

Kukotoka kulinakwija ali yeni vanu vaje valinakuyoya mu lifuti. Simbu ili muyehi, omo kukukakala lalo viwano vyakulisamba a minkinda yakulemesela, oloni citanga lika cikakalako.

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Amose 6:10

Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?” Co akamukumbulula ngwendi, “Waimo!” Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Hambakuke 2:20

Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Zefaniya 1:14

Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi!

Zakaliya 14:1

Kengeni, litangwa lya Shukulu Kalunga lyakusompa lili muyehi. Co Yelusalema vakaipukula, co vije vyakupukula vakavipangela akati keni.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 22:4

Ngecivene, watumine vangamba vakwavo lalo kuli vaje vavalanyele ngwendi, ‘Kengeni, njavwaesa laja vyakulya vyange, vingombe vange na vimuna vange vakununa vanavatsii laja, co vyuma vyoshe vinavwaa laja. Ijeni ku ciwano ca vulo!’

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

Filipu 4:5

Mweseni kalemeso kuli vanu voshe. Mwene alinakwija ololo.

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

1 Samwele 16:5

Ikeye wavakumbulwile ngwendi, “Eyo, njinaija mu kwoloka, njinaija nakukombelela kuli Shukulu Kalunga. Lijeleseni ngeci tuye amo nange nakukombelela.” Walekele lalo Njesi na vana vendi ngeci valijelese, co wavalanyele kukukombelela.

1 Samwele 20:26

oloni Saulu kendekele cuma cimo ku litangwa lije, omwo wayongwele ngwendi, “Amo cuma cimo cinalingiwa kuli ikeye, co amo kajelele ku mashiko.”