Zefaniya 1:4 - Livulu lya Shukulu Kalunga

⁴ “Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.

Zefaniya 1:4 Iomraidhean Croise

2 Vimyene 21:13

Njikanyanyamesa Yelusalema ngwe munjalingile na nganda ya Samaliya, na muje munjalingile na Mwene Ahave wa mu Isalele na vatekulwila vendi, njikanyongesa vanu va mu Yelusalema, ngwe munu akusha lilonga nakulisikumuna, co alifulumika.

2 Vimyene 23:12

Mwene Yosiya wasiwile mitula ije ivatungile vimyene va mu Yunda akamwa ya mulili wa kwilu wa lipela lya Mwene Ahaze, amolika na mitula ije yatungile Mwene Manase mu mitambela ivali ya vimbanja vya mu Njuvo ya Shukulu Kalunga. Wasiwile ije mitula nakuyivujula, co likungu lyayo walyumbilile mu Cana ca Kindelone.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

Kutuuka 15:12

Wemikile livoko lyove lya cilyo, co livu lyalewile vitozi vetu.

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 6:12

Vinjuvo vyavo vakavyana kuli veka, amo na mahya avo na vanakazi vavo. Njikanyanyamesa vanu va mu lifuti eli.

Ezekiyele 25:7

Omwo walingile vyuma evi, co njikakwana ku mavoko a miyati yeka ngeci vakakwivile vyove. Co mwa vushunga vene njikakunyongesa, co kuukapu lalo muyati nalumo lwai nambe kukala na lifuti lyove embwe. Asinoni ukazivuka ngeci kuma yange njapwa Kalunga.’ ”

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Mika 5:13

Njikanyongesa tumponya tweni na vimanda vyeni vya mamanya vyakujela, co kumukalemesa lalo vyuma vije vimukapanga.

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Zefaniya 2:13

Shukulu Kalunga akapangesa nzili yendi mukunyongesa Asilya. Co akanyongesa nganda ya Nenevayi nakuyipwisa ngundu, mambo yakujeka mema.