Zefaniya 1:15 - Livulu lya Shukulu Kalunga

¹⁵ Likapwa litangwa lya vukalu vwakama, litangwa lya tuyando twakama na vusiwa, litangwa lyakuviisa nakunyongesa, litangwa lya lisusulungu lyakama-kama vwii, na mashelwa amangi,

Zefaniya 1:15 Iomraidhean Croise

Isaya 13:9

Kenga, litangwa lya Shukulu Kalunga lilinakwija, litangwa lya vukalu vwendi vwakama nakuluvala kwendi. Mukuluvala kwendi Shukulu Kalunga akapwisa lifuti mupulungwa, nakunyongesa vaka-vuvi vamwo.

Isaya 22:5

Eyi ikeyo simbu ya kuuya-uya nakufunguluka na vitanga vije vinashulu mu Cimbongo ca Vimona, co Shukulu Kalunga wa Akamwa ya Vyoshe Muka-nzili yoshe navitumu ali yetu. Vivumbe vya nganda yetu vanavisiwila asi, co mitambi yakutukwasa inete mukati ka malundu.

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zefaniya 2:2

simbu kanda vacimitwale kulyala ngwe lijungu lipekumuka na lihunzi, simbu kanda litangwa liije omo Shukulu Kalunga akasholola vukalu vwendi nakuminyanyamesa ngwe tuhya mutukenyeka vyuma.

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Kwituluka mu Mashiko 28:52

Vakalwisa nganda na nganda ije ili mu lifuti lije lyakamyana Shukulu Kalunga Njambi yeni, na vivumbe vyakukola vyavilaja, vije mwakulaela vikasiwuka.

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”