Zefaniya 1:10 - Livulu lya Shukulu Kalunga

¹⁰ “A litangwa lije mukaziva muyoyo wakulila ku Cikolo ca Visi ca Yelusalema. Mukaziva kutendeka kwakama mu mutambela wamucivali wa mu nganda na muyoyo wa vinjuvo vilundumuka akamwa ya malundu a Yelusalema.

Zefaniya 1:10 Iomraidhean Croise

2 Samwele 5:7

(Nameme ngoco Ndaviti wafungulwile cimpaka cavo cakukola ca Siyone, ivatumbwile ngwavo “Nganda ya Ndaviti.”)

2 Samwele 5:9

Omo nafungulula laja cije cimpaka cakukola, co Ndaviti wakelemo wacilukile ngwendi, “Nganda ya Ndaviti.” Watungilileko cimpaka, kushangumukila ku mutambela kuje kwakele livu ku mutambela wa mu ngangela ku lilundu.

2 Vimyene 22:14

Co Hilikiya na Ahikame na Akambole na Shafane na Asaya vaile nakwihula kuli Hulunda, muka-kwimanena wa munakazi wakele mu mutambela wamucivali wa Yelusalema. (Munalume wendi wapwile Shalume muna Tikeva mutekulu wa Halehase, ikeye wakele nakunyunga vuzalo vwa mu Njuvo ya Shukulu Kalunga.) Co vamulekele vije vyalingiwile,

2 Mizimbu 3:1

Mwene Ndaviti, ishe ya Solomoni, wavwaeselele cimweja mwela wakutungila Njuvo ya Shukulu Kalunga. Mwela wakele mu Yelusalema, ku Munkinda wa Moliya, kuje Shukulu Kalunga walisholwele kuli Ndaviti ku lijungwilo lya Alauna kaNjevushi. Co Mwene Solomoni washangumukile kutunga Njuvo ya Shukulu Kalunga

2 Mizimbu 32:22

Ngecivene, Shukulu Kalunga waamenene Mwene Hezekiya na vanu va Yelusalema ku livoko lya Senakelivi mwene wa vaAsilya, na ku vitozi vavo vakwavo lalo. Co vatumbamene mu kwoloka na vandambo vavo voshe vaje vavazengelekele.

2 Mizimbu 33:14

Munima ya vyuma evi, Manase watungulwile civumbe ca anja ku mutambela wa mu ngangela mu Nganda ya Ndaviti, kushangumukila ku shongo ya cana kuyehi na muna ndonga Ngihone ku kunto ya Cikolo ca Visi na mu mutambela wa nganda ya Ofele. Co waakele lalo muka-kushika vimunga vya mashwalale mu vinganda vyoshe vya vimpaka vya mu Yunda.

2 Mizimbu 34:22

Co a lishiko lya mwene, Hilikiya na vakwavo vaile nakwihula kuli Hulunda, muka-kwimanena wa munakazi wakele ku mutambela wamucivali ku Yelusalema. (Lizina lya munalume wendi lyapwile Shalume, muna Tikeva mutekulu wa Halehase, ikeye wakele nakunyunga vuzalo vwa mu Njuvo ya Shukulu Kalunga.) Co vamulekele vije vyalingiwile,

Nehemiya 12:39

co kutunda kuje twatuvakanene ku Cikolo ca Efalime, na ku Cikolo ca Njeshana, na ku Cikolo ca Visi, na ku Kaposhi ka Hananele, na ku Kaposhi ka Ciita, na ku Cikolo ca Vimanga. Co twasikisilile kuyehi na cikolo ca ku Njuvo ya Shukulu Kalunga.

Nehemiya 3:3

Vaka-cikota ca Hasena vatungile Cikolo ca Visi. Vaakele mikambo na vikolo mu myela yavyo, co vaakeleko tupateso na mikambo yakupatesa ku cikolo.

Isaya 59:11

Tuli na lyova na vusiwa. Tushaka Njambi atwamene ku tuyando na vuvi, oloni nacimo cilingiwa cai.

Njelemiya 39:2

A litangwa lyamucitanu na awana ku ngonde yamuciwana yapwisile Zendekiya myaka likumi naumo a vumwene, co vaMbambilone valundumwine vivumbe vya nganda.

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Ezekiyele 6:13

Mivila yavo ikashandokela mukati ka tumponya, na nakuzengeleka mitula, ikashandokela a malundu oshe amalaja, na akamwa ya minkinda yoshe, na mwisi ya minzinze ya miti, na mu miti yoshe yakama ya oke, na mu mitambela yoshe muje muvakenyekela vin̄ombelo ku tumponya twavo. Asinoni munu woshe akazivuka ngeci yange njapwa Kalunga.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Zefaniya 1:15

Likapwa litangwa lya vukalu vwakama, litangwa lya tuyando twakama na vusiwa, litangwa lyakuviisa nakunyongesa, litangwa lya lisusulungu lyakama-kama vwii, na mashelwa amangi,

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.