Zakaliya 9:17 - Livulu lya Shukulu Kalunga

¹⁷ Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Zakaliya 9:17 Iomraidhean Croise

Myaso 144:12

Vana vetu va vanalume a vukwenje vwavo, vapwe ngwe miti yakukuna, ije ilinakukula na nzili, co vana vetu va vanakazi, vapwe ngwe vimanda vya mu vimbango vya lipela vyakushonga mwamuvwa.

Myaso 145:7

Vanu vakendeka vyavuvwa vwove vwoshe, nakwimba a ngozi yove.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Myaso 36:7

Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

Myaso 45:2

Yove uwamuvwa manene kutuvakana vanalume voshe, u muka-kwendeka na ngozi, visimbu vyoshe Njambi alinakukuvezikisa!

Myaso 50:2

Njambi alinakutwila ceke cendi mu Siyone, nganda ije yaivwa manene.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Myaso 90:17

Shukulu Kalunga Njambi yetu, vivezikiso vyove vikale amo netu. Tuvezikise mu vyoshe vije vitulinga.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Myaso ya Solomoni 5:10

Muka-cizemo cange wapwa wamuvwa manene, lalo muvila wendi wapwa wa nzili, endi lika akati ka vanalume 10,000.

Myaso ya Solomoni 7:9

Kanwa kove kanapu ngwe vinyu vyavivwa manene. Vinyu viite mwamuvwa a mulivu wa muka-cizemo cange, viite akamwa ya tunwa twendi na mayo endi.

Isaya 33:17

Mesho eni akamona vumpau vwa mwene, akamona lifuti mukujanjavala kwalyo kwoshe.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Njelemiya 31:14

Vaka-kukombelela njikavakutisa na vyakulya vyavivwa manene, co vanu vange vakakala na vyuma vyoshe vivashaka. Yange Kalunga, njinendekamo.”

Njwele 2:26

Ololo mukakala oni na vyakulya vyavingi vimukalya, co mukakuta. Neni mukashangazala Shukulu Kalunga Njambi yeni, uje namilingila vyuma vyakukomokesa. Co naumo wai akashaula vanu vange lalo.

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Loma 5:20

Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

Loma 5:8

Oloni Njambi nasholola cizemo cendi cakama kuli yetu, omo a simbu ije twapwile tu vaka-vuvi Kilistu watutsililile!