Zakaliya 9:16 - Livulu lya Shukulu Kalunga

¹⁶ Omo litangwa lije likaija, Shukulu Kalunga akanyunga vanu vendi ngwe kanyungi amena vutanga vwendi ku vushonde. Vakavyazima mu lifuti lyendi ngwe mamanya a seo a cilongo.

Zakaliya 9:16 Iomraidhean Croise

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Kutuuka 28:21

Co ku tumamanya otu likumi na tuvali kamo na kamo talekao lizina lya umo na umo wa vana va Yakomba, mukwimanena miyati ya vaIsalele.

Kutuuka 28:9

Co nona tumamanya tuvali twa kanelya nakutalekao mazina likumi na avali a vana va Yakomba va vanalume,

Isaya 40:10

Kengeni Shukulu Kalunga wa Akamwa ya Vyoshe aija nakushwana na nzili, alinakwija na cikandelela ca vanu vendi.

Isaya 54:12

Njikatunga tuposhi twove na mamanya a lumbi, vikolo vyove njikavitunga na mamanya aje akuvyazima ngwe tuhya, njikazengeleka civumbe na mamanya a seo.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Isaya 60:3

Miyati ya vanu vakavashwenyesa ku ceke cove, co vimyene vakavashwenyesa ku litangwa lyove lyaliha.

Isaya 62:3

Ukapwa ngwe cilongo cacivwa ca Shukulu Kalunga.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 31:10

Shukulu Kalunga alinakwendeka ngwendi, “Yeni miyati tolilileni kuli yange, ambululeni majwi ange na ku vikuma vyakulyala. Njashandwele vanu vange, oloni njikavakungulula lalo, nakuvatwamenena ngwe kanyungi atwamenena vutanga vwendi.

Njelemiya 31:11

Njinapatula vanu va Isalele, co njinavamena ku muyati wa vanu va nzili.

Ezekiyele 34:11

“Yange Kalunga wa Akamwa ya Vyoshe, njimileka ngwange yange vavenya njikashakezeka vimanga vange, co njikavanyunga,

Ezekiyele 34:12

mu ngila ije vene kanyungi akanyungu vimanga vendi vaje valishandokele, co avakungulwila amolika lalo. Njikavanena lalo nakuvelwisa kutunda ku mitambela kuje kuvalishandokelele a litangwa lije lya lisusulungu, na n̄avava.

Ezekiyele 34:31

“Yeni vimanga vange, munapu vimanga va ku vulilo vwange, munapu mu vanu vange, co yange njinapu Njambi yeni.” Mwanendeka Shukulu Kalunga wa Akamwa ya Vyoshe.

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Zefaniya 3:20

Simbu ilinakwija! Njikelwisila vanu veni kwimbo vaje valishandokele, co njikamitsimanesa mu kaye mwoshe, co mukakala mwamuvwa lalo ngwe laja.” Mukemwo mwanendeka Shukulu Kalunga.

Hangai 2:23

A litangwa lije vene njikakwambata yove Zelumbambele ngamba yange, co ukashwana mu lizina lyange. Yove vene injinaangula.” Mukemwo mwanendeka Shukulu Kalunga, Muka-nzili yoshe.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Yowano 10:27

Vimanga vange vaziva lijwi lyange, co nange njivazivuka, co vanjikava.