Zakaliya 9:12 - Livulu lya Shukulu Kalunga

¹² Ilukeni, yeni vinzinda ololo muli na cinyangavili, ilukeni ku mwela weni wauvwa. Ololo njimileka ngwange njikamivezikisa luvali ku tuyando tweni twoshe tuje mwayandele.

Zakaliya 9:12 Iomraidhean Croise

Yombi 42:10

Asinoni, omo Yombi walombelele vasamba vendi vatatu, co Shukulu Kalunga wamuwezelele nakumwingisilamo luvali ku vije vyakele navyo akulivanga.

Isaya 24:22

Njambi akaka mbunga ya vimyene mu citeke ngwe vinzinda. Akavashokela mu kamenga noo simbu ya kusompa kwove inete.

Isaya 38:18

Naumo wai ali mu vukalo vwa vatsi asa kukushangazala. Vatsi kuvasa kukulaela kulongwa kwove.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 49:9

Njikendeka kuli vinzinda ngwange, ‘Yeni munapatuka!’ Njikendeka lalo kuli vaje vali mu lisusulungu ngwange, ‘Ijeni ku ceke!’ Vakafwa ngwe vimanga vaje valinakulila mwila a malundu,

Isaya 52:2

Yelusalema, katuka mu likungu! Litotomone likungu, tumbama a litanda lyove! Yeni vinzinda va Siyone lizituleni malyenge aje anamikutu!

Isaya 61:7

Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Njelemiya 14:8

Yove cinyangavili ca Isalele, yove muyoyesi wa Isalele a simbu ya tuyando. Omwo vikajo upwa ngwe mungenzi mu lifuti lyetu, nambe ngwe muka-kwendangana uje alala vutsiki vumolika?

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 31:17

Kucili cinyangavili cove kulutwe, vana vove vakeluka lalo kwimbo. Yange Kalunga, njinendekamo.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Njelemiya 50:28

(Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 51:10

Shukulu Kalunga alinakwendeka ngwendi, “Vanu vange vatambeka ngwavo, ‘Shukulu Kalunga natumwesa ngeci kuma tunalingi mwamuvwa. Ijeni tuye tukaleke vanu va mu Yelusalema vije vyanalingi Shukulu Kalunga Njambi yetu.’ ”

Ezekiyele 37:11

Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Njwele 3:16

Shukulu Kalunga alinakwaana ngwe ndumba ku Munkinda wa Siyone, lijwi lyendi lilinakuluma ku Yelusalema, asi na lilu vilinakujaja. Oloni akaamena vanu vendi.

Mika 4:8

Ngwe ali yove Yelusalema, muje mwalinakunyungila Njambi vanu vendi, ngwe kanyungi ali a kaposhi kendi mukunyunga vanu vendi, ukapwa nganda yakama ya vumwene vuje vwapwile vwove akulivanga.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

VaHevelu 6:19

Tuli na cinyangavili cije ngwe n̄ovo ya cikongo ca mbunge, ikeyo yakukola, yaivwa, ikeyo ipulyasana nanga ije ya mu Njuvo ya Shukulu Kalunga ya mwilu nakukovela ku mulili wakujela,