Zakaliya 9:11 - Livulu lya Shukulu Kalunga

¹¹ Shukulu Kalunga alinakwendeka ngwendi, “Omo cikumiiyo cange neni cije civasatesele na maninga a vin̄ombelo, njikapatula vanu vove, njikavapatula ku mbulu ya vunzinda ije kuyesi na mema.

Zakaliya 9:11 Iomraidhean Croise

2 Samwele 13:13

Nga njilinga ngacije, co vatijo njasa kukenga vanu? Nove ukapwa ngwe cilema umo wa mu Isalele. Ngecivene, njakulombo endeka kuli mwene, co akatava ngeci unjambate.”

2 Mizimbu 7:17

Nga ukanjipangela mwamuvwa na kulongwa ngwe mwalingile isho Ndaviti, nga wononoka mashiko ange nakulinga vyuma vyoshe vije njakushiki,

Yombi 33:30

ikeye muka-kwamena mwonyo wa munu ku mbulu, ngeci amone ceke ca mwonyo.

Myaso 30:3

Yove Shukulu Kalunga wanjitundisile mu vukalo vwa vatsi, unanjiyoyesa ngeci kesi njitse.

Myaso 40:2

Ikeye wanjitundisile mu mbulu ya vushonde, mu lindova lya vutome! Wemikile mendi ange a limanya, nakunjinyunga mwamuvwa.

Myaso 69:33

Shukulu Kalunga akatolilila kulila kwa vaje vanajeneka, co kakevala vanu vendi vaje vali mu kamenga.

Kutuuka 24:8

Asinoni Mosesa wanonele maninga aje akele a malonga nakuwashamwina a vanu. Co wendekele ngwendi, “Awa akewo maninga a cikumiiyo cije canalingi Shukulu Kalunga neni omo wamyanene mashiko oshe aje ashikile.”

Isaya 24:22

Njambi akaka mbunga ya vimyene mu citeke ngwe vinzinda. Akavashokela mu kamenga noo simbu ya kusompa kwove inete.

Isaya 42:22

Oloni vanu vendi vanavevila, voshe vanawila mu viteke, nakuvashweka mu tumenga. Vanavevila nakuvaviisila vyavo, oloni naumo wai naijako nakuvakwasa.

Isaya 42:7

Ukatonesa mesho a tupuputwa, nakupatula vaje vali mu tumenga twa lisusulungu.

Isaya 49:9

Njikendeka kuli vinzinda ngwange, ‘Yeni munapatuka!’ Njikendeka lalo kuli vaje vali mu lisusulungu ngwange, ‘Ijeni ku ceke!’ Vakafwa ngwe vimanga vaje valinakulila mwila a malundu,

Isaya 51:14

Vaje vanapu vinzinda ololo vakapwa vaka-kupatuka, vakayoya myaka yaingi, nakukala na vyakulya vyoshe vije vanajeneka.

Isaya 58:12

Vanu veni vakatungulula vingundu vyalaja. Vanu vakamizivuka ngwavo yeni mwatungulula vivumbe vije vyasiwukile, munendula vinjuvo vije vyasiwukile.”

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Ndanyele 2:29

“Omo yove shukulu walalele, walotele vyuma vya kulutwe, co Njambi uje akajombolola mahungu, ikeye nakumwesele vije vikasholoka kulutwe.

Mateo 26:28

omwo vinyu evi vinapu maninga ange aje anakolesa cikumiiyo ca Njambi, akwitikila ali vanu vavangi mukuvasambesa ku milonga yavo.

Mako 14:24

Co Yesu wendekele ngwendi, “Awa akewo maninga ange aje akakolesa cikumiiyo ca Njambi akewo akwitikila ali vanu vavangi.

Luka 16:24

Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

Luka 22:20

Omo vanamanesa kulya wavanene nganja wendekele ngwendi, “Eyi nganja inapu cikumiiyo caciha ca Njambi civanakolesa na maninga ange aje anetikila ali yeni.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

1 Kolinte 11:25

Mu ngila eyi vene, omo vanamanesa kulya, wanonele nganja, co wendekele ngwendi, “Nganja eyi inapu lizivasano lyaliha lya Njambi, mu maninga ange. Omo mukanwako, lingeni visimbu vyoshe mukunjanuka.”

Kwituluka mu Mashiko 5:31

Oloni yove Mosesa, kala nange kuno ngeci njikwane mashiko ange oshe nakushika kwange kwoshe, co vilongese ku vanu ngeci vakavyononoke mu lifuti lije linjikavana ngeci valishwane.’

VaHevelu 10:2

Nga vanu vaje valemesa Njambi vanavajelesa ku vivi vyavo nga kuvasa kuziva cishota-mbunge lalo a mulonga wa vuvi, co nga vin̄ombelo vyoshe vanavimika.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

Kujombolola 20:3

Co kangelo wamumbilile mu mbulu ije kuyesi naa masima, co washokele ije mbulu nakuyipata nakwakao kasateso, ngeci kesi lalo akakwisa vanu kuvanga noo myaka 1,000 ineti. Munima yevi, co vakamuzitula kasimbu kakandondo lika.