Zakaliya 9:10 - Livulu lya Shukulu Kalunga

¹⁰ Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Zakaliya 9:10 Iomraidhean Croise

1 Vimyene 4:21

Vushwana vwa Solomoni vwawezeleleko na mafuti oshe kutunda ku Ndonga ya Yufuleti kutwala ku Filisitiya na nginga ya Ingito. Vakele nakufweta lisimu kuli ikeye, co vakele mwisi yendi simbu yoshe yakuyoya kwendi.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 72:3

Vimbuto vimene mwamuvwa mu livu, livu limenese vimbuto mu vushunga.

Myaso 85:8

Njikatolilila vije vyendeka Shukulu Kalunga Njambi, nakulaesa kwoloka kuli yetu vanu vendi va kulongwa kuli ikeye, nga kutwilukila ku vulema vwetu.

Myaso 89:26

Ikeye akendeka kuli yange ngwendi, ‘Yove unapu u tate na Njambi yange, yove unapu u muka-kunjinyunga na muyoyesi wange.’

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 60:12

Miyati ya vanu vaje vakavyana kukupangela vakainyongesa njwa.

Hoziya 1:7

Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Hoziya 2:20

Njikanyunga cikulaeso cange nakukupwisa u wange wa cikongo ca mbunge, co ukazivuka ngeci yange nji Kalunga.

Mika 4:8

Ngwe ali yove Yelusalema, muje mwalinakunyungila Njambi vanu vendi, ngwe kanyungi ali a kaposhi kendi mukunyunga vanu vendi, ukapwa nganda yakama ya vumwene vuje vwapwile vwove akulivanga.

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Mika 5:9

Isalele akafungulula vitozi vendi nakuvanyongesa voshe njwa.

Hangai 2:22

nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

2 Kolinte 5:18

Vyoshe evi vyatunda kuli Njambi, uje natwimwisa ali Kilistu kutunda ku vutozi nakutupwisa vasamba vendi, co natwana vipangi vyakutengulwisa veka lalo ngeci valyambe nendi.

2 Kolinte 5:20

Ngecivene, omo tuli ano, tulinakwendeka vya Kilistu, ngwe ikeye vavenya Njambi alinakumilanya ali yetu. Tulinakumilambelela ali Kilistu ngwetu, lyambeni na Njambi!

Kwituluka mu Mashiko 11:24

A livu lyoshe aje mukalyata likapwa lyeni. Co lifuti lyeni likaama kutunda ku mambo ya mu mbwela nakweta ku kunto ku Minkinda ya Lembanone, nakutunda ku Ndonga ya Yufuleti mu ngangela nakweta ku Lishali lya Menditelenyani mu kangombe ka yambi.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”