Zakaliya 8:3 - Livulu lya Shukulu Kalunga

³ Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Zakaliya 8:3 Iomraidhean Croise

Myaso 2:6

“Njinaka mwene yange a Siyone, lilundu lyange lyakujela.”

Myaso 48:1

Shukulu Kalunga ikeye wakama, vanapande kumushangazala manene, mu nganda ya Njambi yetu, a lilundu lyendi lyakujela.

Kutuuka 29:45

Asinoni njikakala akati ka vanu va Isalele, co njikapwa Njambi yavo.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 1:26

Yelusalema njikakwana vaka-kushwana na vaka-kunangula ngwe vaje vawakele navo ku san̄ulu. Asinoni lizina lyove lyaliha likapwa ‘Nganda yakushungama na kulongwa.’ ”

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 32:16

Mu lifuti mwoshe vushunga na kulongwa vikalingiwa.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Isaya 65:25

Tungunga na vana va vimanga vakalya amo, vindumba na vingombe vakalya mwila, na manyoka vakalya livu. Kuvakashumu nambe kuvulumuna munu umo, a Siyone lilundu lyange lyakujela.”

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Isaya 8:18

Yange uno, na vana vaje vananjana Shukulu Kalunga. Tunapu tu vimweso mu Isalele vyakutunda kuli Shukulu Kalunga Muka-nzili yoshe uje wakala a Munkinda wa Siyone.

Njelemiya 14:9

Omwo vikajo unapu ngwe munu ivanakasumuna, nambe ngwe lishwalale najeneka nzili mukulyamena? Mwa vushunga Shukulu Kalunga yove uli netu! Yetu tu vanu vove kesi utuseze embwe.’ ”

Njelemiya 26:18

“Omo Hezekiya wapwile mwene wa mu Yunda, Mika muka-kwimanena wa ku Moleshete walekele vanu voshe ngwendi Shukulu Kalunga Muka-nzili yoshe nendeka ngwendi, ‘Siyone vakailima ngwe muvakalimi lihya, Yelusalema ikapwa mutumbo, na munkinda wa Njuvo ya Shukulu Kalunga ukapwa ngwe malundu a mu shwata.’

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Njwele 3:21

Njikalingilako sambandinga vaje vavatsiile, nakuhisa vaka-vuvi. Yange Kalunga, njikakala a Munkinda wa Siyone.”

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Zakaliya 1:16

Ngecivene, njineluka lalo ku Yelusalema mukuzivila mema ku mbunge nganda eyi. Co vakatungulula Njuvo yange, nakutungulula lalo nganda.”

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 14:10

Lifuti lyoshe, kutunda ku Ngemba ku kunto nakweta ku Limone mu mbwela, likanyekumuka. Yelusalema ikakala a mwela wayo akulunduka, co nganda ikatunda ku Cikolo ca Mbenjemani nakweta ku Cikolo ca mu Mbango, kuje kwakele cikolo calaja, kutunda ku Kaposhi ka Hananele, nakweta ku cikamwino ca vinyu.

Zakaliya 8:16

Evi vikevyo vyuma vimunapande kulinga, endekeni lika vushunga kuli umo na mukwavo. Mu vimbanja sompeni mu vushunga vuje vunena kwoloka.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

Kujombolola 21:10

Co njakele mu Munzinzime, co kangelo wanjitwalele ku shongo ya munkinda waulaja. Co wanjimwesele Yelusalema, Nganda Yakujela, ije yatundile mwilu kuli Njambi,

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.