Zakaliya 8:23 - Livulu lya Shukulu Kalunga

²³ A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Zakaliya 8:23 Iomraidhean Croise

Kushangumuka 31:41

Vyuma evi vyakele nakulingiwa a myaka yoshe makumi avali ije njakele kuli yove. A myaka likumi na iwana njapangele ngeci unjane vana vove vavali, na myaka itanu na umo njapangele kuli yove ngeci unjane vimembe na vimanga. Nameme ngoco, a simbu yoshe ije, yove wakele nakutengulula-tengulula fweto yange.

Kushangumuka 31:7

Co ishweni wanjikwisile nakutengulula fweto yange visimbu likumi, oloni Njambi kamutavesele ngeci anjivulumune.

2 Vimyene 2:6

Co lalo Elinja wendekele kuli Elisha ngwendi, “Sala kuno, Shukulu Kalunga nanjitumu njiye ku Ndonga ya Yondau.” Oloni Elisha wamukumbulwile ngwendi, “Njilisinga ali Shukulu Kalunga wakuyoya na ali yove ngwange kunjikuseze embwe.” Ngecivene, vaile amo ku Ndonga ya Yondau,

1 Mizimbu 12:18

Co Munzinzime wa Njambi wezile ali Amasai, muka-kushika vaje “Makumi Atatu.” Co watambekele ngwendi, “Ndaviti muna Njesi, yetu tunapu tu vanu vove! Tunemana amo nove! Kwoloka, kukale amo nove! Kwoloka kukale kuli vaka-kukukwasa, omo Njambi akakukwasa.” Co Ndaviti wavatambwile, nakuvapwisa vakulunu va nzita yendi.

2 Mizimbu 15:9

Vanu vavangi va mu vumwene vwendi, vakutunda ku Efalime na Manase na Simyoni vakele nakwija kuli Asa omwo vamwene ngeci Shukulu Kalunga wakele amo nendi. Co Asa wavakungulwile voshe amolika na vanu va ku Yunda na ava va ku Mbenjemani.

Esita 8:17

Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Yombi 19:3

Co a simbu na simbu mulinakunjituka, co kumwesi na shwamwa mu ngila eyi mulinakunjiyandeselamo.

Muka-kwambulula 11:2

Aka vyove vije ulinavyo mu mitambela yakuliseza-seza, omwo kuuzivuka litangwa lije tuyando tukwizila.

Isaya 3:6

Simbu ikaija omo vanu mu cikota cavo vakaangula umo wavo, co vakendeka kuli ikeye ngwavo, “Yove uli na vuzalo, ngecivene, pwa ntwama yetu a simbu eyi ya tuyando.”

Isaya 4:1

Omo simbu ije yeta, vanakazi vatanu na vavali vakakwata munalume umolika nakwendeka ngwavo, “Twasa kulilisa nakulizika yetu vavenya, oloni tutave lika ngeci upwe u munalume wetu, ngeci kesi tukale na shwamwa yakuyoya mu vuzike.”

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Isaya 60:3

Miyati ya vanu vakavashwenyesa ku ceke cove, co vimyene vakavashwenyesa ku litangwa lyove lyaliha.

Isaya 66:18

Njizivuka viyongola vyavo na vilinga vyavo. Njilinakwija nakukungulula vanu va miyati yoshe. Omo vakakungulukila amo, vakamona nzili yange muyafwa,

Mika 5:5

co ikeye akanena kwoloka. Omo vaAsilya vakazengeleka lifuti lyetu nakuvujula vivumbe vyetu, co tukalanya vantwama vetu va nzili ngeci vakuvalwise.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Kulava 14:22

naumo wai wa ali vanu ava akamona lifuti lije. Vakevo vamwene ceke ca vumpau vwa ku mesho ange na vikomokeso vije njalingile mu Ingito na mu mambo, oloni vanjesekele visimbu likumi, co vavyanene kunjononoka.

Luka 8:44

Wezile mu mbunga ya vanu munima ya Yesu wakwatele ku mukundwilo wa cikoveyo ca Yesu, aje vene maninga omine cau.

Vilinga vya Miluwa 19:12

Ngecivene, nameme tuvinanga twatundondo twa ku livoko lyendi na tuvuzalo tuje twapangesele Paulu vavyakele ali vaka-kuvinja, co vakangukile ku mishongo yavo, na minzinzime yakujwala yakele muli vakevo yavatundile.

1 Kolinte 14:25

viyongola vyavo vyakushweka vikasholoka akujela, co vakatsikama a mavuli nakulemesa Njambi nakulitavela ngwavo, “Mwa vushunga Njambi ali neni kuno!”

Yoshwa 8:35

Mashiko oshe a Mosesa, Yoshwa waalavelele mbunga ya vaIsalele voshe amo na vanakazi, na vanike, na vaka-kwija vaje vakele akati kavo.