Zakaliya 8:19 - Livulu lya Shukulu Kalunga

¹⁹ “Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Zakaliya 8:19 Iomraidhean Croise

2 Vimyene 25:1

Zendekiya watengulukilile Mwene Nevukaneza wa ku Mbambilone nakumulwisa, co Nevukaneza wezile na mashwalale vendi voshe, walwisile Yelusalema a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, valingile mikinya noo vetele ku vivumbe vya nganda,

2 Vimyene 25:25

Oloni ku ngonde yamucitanu na vivali mu mwaka uje vene, Ishimela, muna Netaniya mutekulu wa Elishama, uje wapwile wa ku naanga ya vumwene, waile ku Mizipa amo na vanalume likumi, wakalwisile Ngendaliya, nakumutsiya. Co watsiile lalo vaIsalele na vaMbambilone vaje vakele amolika nendi kuje.

Esita 8:17

Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 34:15

Shukulu Kalunga akenga ali vaka-vushunga, co aziva mutambi wavo,

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Njelemiya 36:6

Oloni yange njishaka yove Mbaluke uye a simbu ije omo vanu vazila kulya. Ya ukalave livulu eli, ngeci vakevo vakazive vyuma vyoshe vije Shukulu Kalunga wendekele kuli yange ngeci yange njavinungulwile kuli yove. Linga evi kwoshe kuje munu na munu asa kukuziva, kuwezelelako na vanu va mu Yunda vaje vanaija kutunda ku vinganda vyavo.

Njelemiya 39:2

A litangwa lyamucitanu na awana ku ngonde yamuciwana yapwisile Zendekiya myaka likumi naumo a vumwene, co vaMbambilone valundumwine vivumbe vya nganda.

Njelemiya 52:4

co Nevukaneza wezile na mbunga ya mashwalale vendi voshe walwisile Yelusalema, a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, co valingile mikinya noo vetele ku vivumbe vya nganda,

Ezekiyele 18:8

Kesi kukumwisa vimbongo ngeci awaneo kakondweso embwe. Akavyana kulinga vuvi, co akatete mulonga mu ngila ya vushunga.

Ezekiyele 24:1

A litangwa lyamulikumi ku ngonde yamulikumi mu mwaka wamucitanu na iwana ya vunzinda vwetu, Shukulu Kalunga wendekele kuli yange ngwendi, “Muna munu,

Zakaliya 7:3

nakwihula cihula eci kuli vaka-kukombelela na kuli vaka-kwimanena ngwavo, “Kuma tunapande kutwalao kulila nakulikela kulya ku ngonde yamucitanu ngwe mutwakele nakulinga myaka yaingi omwo Njuvo ya Shukulu Kalunga inanyongo ndi?”

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Zakaliya 8:16

Evi vikevyo vyuma vimunapande kulinga, endekeni lika vushunga kuli umo na mukwavo. Mu vimbanja sompeni mu vushunga vuje vunena kwoloka.

Zakaliya 8:18

Shukulu Kalunga Muka-nzili yoshe walekele Zakaliya majwi awa ngwendi,

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.