Zakaliya 8:16 - Livulu lya Shukulu Kalunga

¹⁶ Evi vikevyo vyuma vimunapande kulinga, endekeni lika vushunga kuli umo na mukwavo. Mu vimbanja sompeni mu vushunga vuje vunena kwoloka.

Zakaliya 8:16 Iomraidhean Croise

Myaso 15:2

Uje ononoka Njambi simbu yoshe nakulinga vyakushungama, co endeka vushunga mu mbunge yendi,

Myaso 34:15

Shukulu Kalunga akenga ali vaka-vushunga, co aziva mutambi wavo,

Visimo 12:17

Mukaleo wa vushunga akambulula vukaleo vwa vushunga, oloni mukaleo wa makuli akambulula vukaleo vwa makuli.

Visimo 12:19

Muka-makuli akayoyo kasimbu kakandondo lika, oloni muka-vushunga akayoyo myaka yoshe.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Ezekiyele 18:8

Kesi kukumwisa vimbongo ngeci awaneo kakondweso embwe. Akavyana kulinga vuvi, co akatete mulonga mu ngila ya vushunga.

Ezekiyele 45:9

Shukulu Kalunga wa Akamwa ya Vyoshe wendekele ngwendi, “Yeni vaka-kushwana va Isalele munavulumuna simbu yakama manene! Likeleni muuka na lipakeso. Lingeni vije vyakushungama na vushunga. Kesi lalo musheke vanu vange mu lifuti lyavo embwe. Yange Kalunga wa Akamwa ya Vyoshe, njimileka evi.

VaLevi 19:11

“Kesi mukayive, nambe kwendeka makuli nambe kukwisa.

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Amose 5:24

Oloni vushunga vwite ngwe mema a mu ndonga, na vuvwa ngwe ndonga ije kuyesi kuma cau.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Mateo 5:9

“Vanavezika vaje vaka-kwolwesa n̄ole, omwo vakavatumbula vana va Njambi!

Efeso 4:17

Ngecivene, mu lizina lya Mwene, njiminangula ngwange, kesi muyoye ngwe vaje vaka-kujeneka kukulaela, vaje viyongola vyavo vyapwa vyangoco,

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”