Zakaliya 8:14 - Livulu lya Shukulu Kalunga

¹⁴ Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele.

Zakaliya 8:14 Iomraidhean Croise

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Myaso 33:11

Oloni mana a Shukulu Kalunga akala ku myaka yoshe, viyongola vya mu mbunge yendi vyakala ku myaka yoshe.

Isaya 14:24

Shukulu Kalunga Muka-nzili yoshe nalisingi cisingo ngwendi, “Vije vinjinayongola vikalingiwa, ngwe vene muje njinendeka.

Njelemiya 20:16

Apwe ngwe vinganda vije vyanyongesele Shukulu Kalunga, kwonwa kuvizivilako mema ku mbunge. Azive mutambi wa kuuya-uya ku simbu ya mutondo na mutambi wa nzita ku simbu ya mutanya,

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Njelemiya 32:42

Nameme omo njinanena tuyando twakama ali vanu ava, oloni njikavana vyuma vyoshe vyavivwa vije vinjavakulaesele.

Njelemiya 4:28

Kaye kakalila, co lilu likazivala. Shukulu Kalunga nendekamo, co kakatengulula viyongola vyendi. Mukemwo mwanayongola, co kakatengululako mweka lalo.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Zakaliya 1:2

Co Shukulu Kalunga Muka-nzili yoshe walekele Zakaliya kwendeka kuli vanu ngwendi, “Yange Kalunga, njaluvalele manene na vakukulwila veni,

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”