Zakaliya 8:13 - Livulu lya Shukulu Kalunga

¹³ Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

Zakaliya 8:13 Iomraidhean Croise

Kushangumuka 26:4

Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika.

Myaso 44:16

ku majwi akuyeluwisa naa akushaula aje vendeka vitozi vange na vaje vanjizinda.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Isaya 43:28

co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 25:18

Yelusalema na vinganda vyoshe vya mu Yunda, amolika na vimyene vamwo, na vamyata, vanwilemo, ngeci vapwe mambo yakukomokesa nakulisimoka, co vanu vakapangesa lizina lyavo kupwa cisingo, ngwe muje muvali nakulinga na simbu ino.

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 33:24

“Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Njelemiya 42:18

“Shukulu Kalunga, Njambi ya Isalele alinakwendeka ngwendi, ‘Ngwe muje njaluvalele na vanu va Yelusalema, ngecivene, njikaluvala lalo neni nga yeni muya ku Ingito. Mukakala mu vukalu vwakama manene, co vanu vakamishendumuna, nakupangesa lizina lyeni kupwa cisingo. Nalumo lwai lalo mukamona mutambela uno.’ ”

Njelemiya 44:12

Ngwe ali vanu va mu Yunda vaje vanasala, vaje vali na cizango cakuya nakukakala ku Ingito, voshe njikavanyongesa, vanike na vakulunu voshe, vakatsila mu Ingito, mu nzita, nambe ku njala ya lyangengela. Vakapwa vanu va vunyengwe, vanu va mafuti eka vakavashendumuna, co lizina lyavo likapwa cisingo.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Ezekiyele 34:26

“Njikavavezikisa nakuvezikisa mitambela ije inazengeleka lilundu lyange lyakujela. Njikatuma nyonzi ya vusuku-mbundu kupwa vivezikiso vyavo.

Ezekiyele 37:11

Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Ndanyele 9:11

Isalele yoshe vapokwele mashiko ove nakuvyana kutolilila ku vije viwavalekele. Twalingile vuvi ku mesho ove, ngeci watusingile na cisingo cije civasoneka mu Lishiko lya Mosesa ngamba yove.

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Zefaniya 3:16

Simbu ikaija omo vakendeka kuli vanu va mu Yelusalema ngwavo, “Yeni vanu va mu Siyone kesi muzive lyova! Kesi mutave mavoko eni azeye embwe!

Zefaniya 3:20

Simbu ilinakwija! Njikelwisila vanu veni kwimbo vaje valishandokele, co njikamitsimanesa mu kaye mwoshe, co mukakala mwamuvwa lalo ngwe laja.” Mukemwo mwanendeka Shukulu Kalunga.

Hangai 2:19

Nameme kukwesi vimbuto vyasalao, na mikolovozi ya vushuka vwa vinyu, na miti ya mikuyu, na mapomingilanete, na miti ya olive kanda iciime, oloni kutunda ku lelo na kulutwe njikamivezikisa.”

Hangai 2:5

Omo mwatundile mu Ingito, njamikulaesele ngwange njikakala amo neni simbu yoshe. Co anga vene njili amo neni, ngecivene, kesi muzive lyova embwe.

Zakaliya 1:19

Co njehwile uje kangelo wakele nakwendeka kuli yange ngwange, “Evi vimbinga vinalumbunuka cuma mukajo?” Co wanjikumbulwile ngwendi, “Vikevyo vinemanena nzili ya vanu va mu kaye vaje vashandwele vanu va mu Yunda, na vanu va mu Isalele, na ava va mu Yelusalema.”

Zakaliya 14:11

Vanu vakakala kuje mu kwoloka, co kukukakala lalo lyova lyakunyonga.

Zakaliya 8:15

Oloni ololo njayongola kuvezikisa vanu va mu Yelusalema na mu Yunda. Ngecivene, kesi muzive lyova.

Zakaliya 8:9

“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange.

Zakaliya 9:13

Njikapangesa Yunda kupwa vuta vwange vwa lusipa, co Isalele njikavapwisa mikili yange. Njikapangesa vanalume va ku Siyone kupwa mukwale, mukulwisa vanalume va ku Ngelese.”

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

Ngalatiya 3:14

Kilistu walingile eci ngeci vivezikiso vya Njambi vyakulaesele kuli Avilahama vavyane kuli vaje kesi vaYunda ali Kilistu Yesu, ngeci akukulaela tutambule Munzinzime uje watukulaesele Njambi.

Kwituluka mu Mashiko 26:19

ngeci akamipwise muyati wakama kutuvakana miyati yeka yoshe ije yatangele, ngeci vakamishangazale, na lutsimo, na kalemeso. Co mukapwa mu vanu vakujela kuli Shukulu Kalunga Njambi yeni ngwe mwamikulaesele.”

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.