Zakaliya 8:12 - Livulu lya Shukulu Kalunga

¹² Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Zakaliya 8:12 Iomraidhean Croise

Kushangumuka 26:12

Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile.

Kushangumuka 27:28

Njambi akwane nyonzi yakutunda mwilu, mahya ove apwe a vwilo, akwane vimbuto vyavingi na vinyu!

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

Myaso 72:3

Vimbuto vimene mwamuvwa mu livu, livu limenese vimbuto mu vushunga.

Myaso 85:12

Mwa vushunga Shukulu Kalunga, akana vije vyavivwa, co tukateja vimbuto vyavingi mu lifuti lyetu.

Visimo 19:12

Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 61:7

Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Ezekiyele 34:28

Miyati ya vaka-kujeneka kukulaela kuvakavevila, co vikashama va mu shwata kuvakavatsii nakuvalya. Vakakala mu kwoloka, co naumo wai akavazivisa lalo lyova.

Ezekiyele 36:12

Yeni vanu vange va Isalele, njikamiilwisa ngeci mukayoye lalo mu lifuti lyeni. Likelyo likapwa lifuti lyeni, nalumo lwai lalo vana veni vakalanduka ku njala ya lyangengela.

Ezekiyele 36:30

Njikawezelela miti ya vushuka vweni na vimbuto vya mu mahya eni, ngeci kesi kukakale njala ya lyangengela lalo yakumishawisa akati ka miyati.

Ezekiyele 36:9

Yange njili neni amo, co mwa vushunga mukalima lalo lifuti lyeni nakukunamo vimbuto.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Njwele 2:19

Co wavakumbulwile ngwendi, “Ololo njikamyana vimbuto na vinyu na mazi a olive, co mukapwisamo oni. Miyati yeka kuvakamiyeluwisa lalo.

Njwele 2:22

Eni tusitu, kesi muzive lyova. Mwila ulinakujovelela, miti ilinakwima vushuka vwayo, co mikuyu yaingi manene na mikolovozi ya vushuka vwa vinyu inapu yaingi.

VaLevi 26:3

“Nga mukavangeya mashiko ange nakwononoka kushika kwange,

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Hangai 1:10

Omu mukemwo mwamono kukwesi nyonzi, co nacimo cai casa kumena.

Hangai 2:18

Lelo linapu litangwa lyamumakumi avali na awana ku ngonde yamucitanu na viwana, likelyo litangwa munamanesa luvula lwa Njuvo yange. Kengeni vije vikalingiwa lelo nakuya kulutwe.

Hangai 2:19

Nameme kukwesi vimbuto vyasalao, na mikolovozi ya vushuka vwa vinyu, na miti ya mikuyu, na mapomingilanete, na miti ya olive kanda iciime, oloni kutunda ku lelo na kulutwe njikamivezikisa.”

Zakaliya 8:6

“Eci cikapwa ngwe cuma cacikalu ku miyati ya vanu vange vaje vasaleleo, oloni kucikapu cacikalu kuli yange embwe.

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

1 Kolinte 3:21

Ngecivene, naumo wai alishashe a vije vivalinga vanu. Omwo vyuma vyoshe vinapu vyeni,

Kwituluka mu Mashiko 32:2

Vilongesa vyange vipwe ngwe mambase a nyonzi ije indwekela asi ngwe mume. Majwi ange akapwe ngwe nyonzi ije isukwila a vimbuto vya njovolwezi, ngwe kusukula kwa nyonzi ilinakunyokela a mwila wauvwa.

Kwituluka mu Mashiko 33:13

A muyati wa Yosefa Mosesa wendekele ngwendi, “Shukulu Kalunga avezikise lifuti lyavo, avezikise lifuti lyavo na nyonzi, na mema a tuvwelu-vwelu akutuuka mu livu.

Kwituluka mu Mashiko 33:28

Ngecivene, vatekulwila va Yakomba vayoye mu kwoloka, vakale mwamuvwa mu lifuti lya vimbuto na vinyu, muje lime lya kwilu likajulisa asi.

Yakomba 3:18

Vaka-kwoloka vaje vakuna vimbuto mu kwoloka vakateja vimbuto vyakushungama.