Zakaliya 7:14 - Livulu lya Shukulu Kalunga

¹⁴ Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

Zakaliya 7:14 Iomraidhean Croise

2 Mizimbu 36:21

Ngecivene, vyoshe vyendekele Shukulu Kalunga muli Njelemiya muka-kwimanena vyalingiwile ngwendi, “Lifuti likapwa ngundu a myaka makumi atanu na avali, kwana simbu ku Litangwa Lyakuhwima, lije kuvanyungile.”

Myaso 58:9

Mu vukalu vwendi Njambi akavapekumwina kulyala, oku vayoya, nakuvawisa simbu kanda vacizivuke, ngwe mwila wakukamba.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 21:1

Awa akewo majwi aa Mbambilone. Ngwe kankumba akomba mu mambo, tuyando tukaija ngacije vene kutunda mu lifuti lyakutewesa.

Isaya 60:15

“Nameme vakwivalele nakukuzinda, njikakupwisa nganda yakama yaivwa, mutambela wa kulyalesa nawo ku myaka yoshe.

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 23:19

Vukalu vwendi vunapu lisindu-mbowe, vwapwa lihunzi lyakukomokesa, lya vukalu lije likaija a mitwe ya vaka-vuvi,

Njelemiya 30:23

Vukalu vwa Shukulu Kalunga vwapwa ngwe lisindu-mbowe, lihunzi lyakukomokesa lije likaija a mitwe ya vaka-vuvi.

Njelemiya 36:19

Asinoni vamulekele ngwavo, “Yove na Njelemiya munapande kuya mukavande. Kesi mutave munu kuzivuka kuje kumuli embwe.”

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Njelemiya 5:15

Vanu va mu Isalele, Shukulu Kalunga akanena muyati wa kulyala mukumilwisa, muyati wa ku san̄ulu wa nzili, uje ndaka yawo kumuyizivuka.

Njelemiya 52:30

co mu mwaka wendi wamumakumi avali na itatu, Nevuzalandane wambatele vanu vakupwa 745. Co voshe amolika vapwile 4,600, vanu vakutunda mu Yunda kuya ku Mbambilone.

Ezekiyele 12:19

Leka muyati woshe ngwove awa akewo majwi a Shukulu Kalunga wa Akamwa ya Vyoshe kuli vanu va mu Yelusalema, vaje vacili nakuyoya mu lifuti lyavo ngwove vakajaja omo vakalya, nakulijujukila na lyova omo vakanwa. Lifuti lyavo likemuka ngundu, omwo vanu voshe vaje valinakukalamo kuvesi nakukava mashiko.

Ezekiyele 22:15

Njikashandwela vanu vove ku mafuti oshe na ku miyati yoshe, co njikamanesa vilinga vyove vya kupenga-penga.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ndanyele 8:9

Akati ka vimbinga evi viwana amenene mbinga imo yaindondo. Yapwile yailaja, yetele mu mbwela na mu ngangela na ku Lifuti lya Cikulaeso.

Hoziya 9:17

Njambi uje njilinakupangela akavyana vanu vendi, omwo vanavyana kumutolilila. Vakapwa vaka-kwendangana akati ka miyati ya vanu.

Njwele 2:3

Vakevo vakalya vimena ngwe likuna. Lifuti eli lyapwile ngwe Lihya lya Endeni simbu te kanda vaciije, oloni omo vanalifungulula linapu oni ngwe mambo yangoco, nacimo cai civasezeleo.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 1:14

Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

Nahumi 1:3

Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Hambakuke 3:14

Mikili yove yativile muka-kushika mbunga ya mashwalale vendi, omo vezile ngwe lihunzi mukutushandola, valisambele ngwe muvakalisamba vaje vakayandesa tuutu mu vushweke.

Zefaniya 3:6

Shukulu Kalunga alinakwendeka ngwendi, “Njamanesele miyati yoshe ya vanu njwa, njanyongesa vinganda vyavo, nakuseza vivumbe vyavo na tuposhi twavo mitumbo. Co vinganda vinapu vingundu vyangoco, naumo wai alinakwenda mu vitapalo, vanu voshe vanai.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.

Zakaliya 8:1

Shukulu Kalunga Muka-nzili yoshe wendekele kuli Zakaliya ngwendi,

Zakaliya 9:14

Shukulu Kalunga akashuluka akamwa ya vanu vendi ngwe lishelwa, akasha mikili yendi ngwe muhyato. Shukulu Kalunga wa Akamwa ya Vyoshe akaimba lupembo, akalwila mu lihunzi kutunda ku mbwela.

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.