Zakaliya 6:5 - Livulu lya Shukulu Kalunga

⁵ Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”

Zakaliya 6:5 Iomraidhean Croise

1 Vimyene 19:11

Shukulu Kalunga wendekele kuli ikeye ngwendi, “Ya ukemane akamwa ya munkinda.” Co wahuwisile lihunzi lyakama manene lije lyatavozwele malundu na mamanya, oloni Shukulu Kalunga kakelemo mu lihunzi embwe. Co lihunzi lyalikelele kuhuwa, asi ajajele, oloni Shukulu Kalunga kakelemo mukujaja kwa asi.

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

Yombi 1:6

Co capwile ngeci a litangwa lije omo vana va Njambi vezile nakulisholola ku mesho a Shukulu Kalunga, co na Satana lalo wakele akati kavo.

Myaso 148:8

muhyato na nyonzi ya mamanya, mema akukonda na mashelwa, lihunzi lyakama lije lyononoka kushika kwendi!

Myaso 68:17

Shukulu Kalunga watundile ku Munkinda wa Sinai na matemba endi amangi-mangi a nzili, co wezile ku mutambela wakujela.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Njelemiya 49:36

Njikatuma vitozi kutunda ku mitambela yoshe kulwisa Elame, co njikashandwela vanu vendi ku mitambela yoshe, noo mafuti oshe akashula na vanu vakutunda ku Elame.

Ezekiyele 11:22

Vikashama vakuyoya vashangumukile kupulula, na mavalo aile amo navo. Co vumpau vwa Njambi ya Isalele vwakele ali vakevo.

Ezekiyele 37:9

Njambi wendekele kuli yange ngwendi, “Muna munu, ambulula vuka-kwimanena ku lihunzi. Leka lihunzi ngwove, Shukulu Kalunga wa Akamwa ya Vyoshe nashiki lihunzi litunde ku mitambela yoshe iwana, ngeci lishokwele muku mu mivila eyi ya kutsa, ngeci ikale na mwonyo.”

Ndanyele 11:4

Oloni a simbu yendi yakushwana, co vumwene vwendi vukalyangunuka mu mitambela iwana. Co vimyene vaje kesi vatekulwila vendi vakashwana mu lipela lyendi, oloni kuvakakala na nzili ngwe ikeye embwe.

Ndanyele 7:10

co tuhya twakele nakutundililako oku twezoka ngwe mema a mu ndonga. Vanu vavangi-vangi vamupangelele. Co vanu vakupwa 1,000,000 vemanene kulutwe lwendi mukumupangela. Vashangumukile kusompa, co vafukwile mavulu.

Ndanyele 7:2

vwa vije vinjamwene ku vutsiki vuje. Njamwene lihunzi lyakele nakuhuwa kutunda ku mitambela yoshe noku-noku, co lyakele nakuhuwa akamwa ya mema a kalunga.

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Zakaliya 4:14

Co wanjilekele ngwendi, “Ava vakevo vanalume vavali vaje vanaangula Njambi nakuvavwavesa ngeci vamupangele, ikeye Shukulu Kalunga wa ano asi oshe.”

Zakaliya 6:1

Njamwene cimona cikwavo. A simbu eyi njamwene matemba awana atundile mukati ka minkinda ivali ya vunengu.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Luka 1:19

Co kangelo wamukumbulwile ngwendi, “Yange Ngambiliyele muka-kupangela Njambi uje nanjitumu kwendeka nove nakukunenela muzimbu ou wauvwa.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 1:7

Oloni kuli tungelo Njambi wendekele ngwendi, “Njambi napwisa tungelo twendi lihunzi, co ikeye napwisa vangamba vendi milangi ya tuhya.”

Yoshwa 3:11

Kengeni, Cikasa ca Cikumiiyo ca Shukulu Kalunga wa ano asi oshe cikajavuka Ndonga ya Yondau nakuya kulutwe lweni.

Kujombolola 7:1

Munima yevi njamwene tungelo vawana vemanene ku vimbango viwana vya ano asi, vemikile lihunzi mu vimbango viwana ngeci kesi lihuwe asi, nambe a mema a kalunga, nambe ku muti woshe-iwoshe.