Zakaliya 6:15 - Livulu lya Shukulu Kalunga

¹⁵ Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.

Zakaliya 6:15 Iomraidhean Croise

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 60:10

Shukulu Kalunga alinakwendeka ku Yelusalema ngwendi, “Yelusalema, vaka-kwija vakatungulula vivumbe vyove, co vimyene vavo vakakupangela. Njakuhisile omwo vukalu vwange, oloni ololo njikakumwesa kutetela kwange, na mema ku mbunge ange.

Njelemiya 7:23

Oloni njavashikile lika ngwange nga vanjononoka, yange njikapwa nji Njambi yavo, na vakevo vapwe vanu vange, co vyuma vyoshe vikakala mwamuvwa kuli vakevo.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Zakaliya 3:7

“Shukulu Kalunga Muka-nzili yoshe nendeka ngwendi, ‘Nga wenda mwamuvwa mu vingila vyange nakunyunga mashiko ange, co ukapwa mukulunu wa Njuvo yange na vimbanja vyayo, co njikaziva malombelo ove, ngwe munjikazivi malombelo a tungelo vaje vali ku mesho ange.

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Kwituluka mu Mashiko 30:10

Oloni mukamwononoke nakunyunga mashiko endi na vizilika vyendi vyasonekele mu livulu eli lya mashiko. Munapande kutengulukila kuli Shukulu Kalunga Njambi yeni na vimbunge vyeni vyoshe.