Zakaliya 6:14 - Livulu lya Shukulu Kalunga

¹⁴ Cilongo cikapwa canukiso ca mu Njuvo yange mukusingimika Helendayi, na Toviya, na Yendaya, na Yosiya.”

Zakaliya 6:14 Iomraidhean Croise

2 Vimyene 25:18

Co Nevuzalandane muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama, na vamyata vatatu va vulemu va mu Njuvo ya Shukulu Kalunga.

Kutuuka 12:14

Munapande kulisamba a litangwa eli omwo likapwa lya ciwano ca Kalunga mukumyanukisa a vyuma evi vinjalingile yange Kalunga. Eci cikapwa canukiso mu visemwa vyeni vyoshe vya kulutwe.”

Kutuuka 28:12

Co tuje tumamanya tuli mu tukwatelo twake a tumiva twa a vitsili vya kangamuna, twimanene miyati likumi na ivali ya vaIsalele. Co mu ngila eyi, Alone akambata mazina avo a vitsili vyendi, co yange Kalunga njikanuka vanu vange simbu yoshe.

Kutuuka 28:29

“Omo Alone akovela ku Mwela Wakujela, co akazala aka kananga ka a nulo kakutaleka mazina a miyati ya Isalele, ngeci yange Kalunga njikanuke vanu vange visimbu vyoshe.

Zakaliya 6:10

“Ambata vwana ovu vunatundu kuli vaje vinzinda Helendayi, na Toviya, na Yendaya, ya lelo vene ku njuvo ya Yosiya muna Zefaniya. Vanalume voshe ava vanatundu ku vunzinda ku Mbambilone.

Zakaliya 6:11

Tambula siliva na ngolinde vije vivanaana upange cilongo, ukacizike ku mutwe wa Yoshwa Muka-kukombelela Wakama, muna Yehozandake.

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Kulava 31:54

Ngecivene, Mosesa, na Elyazale muka-kukombelela vambatele ngolinde nakuyitwala ku Mbalaka Mwakuliwanena ngeci Shukulu Kalunga anyunge vanu vaIsalele.

Mateo 26:13

Mwa vushunga njimileka ngwange, kwoshe-ikwoshe kuvakambulwila evi vin̄anda vyavivwa mu kaye koshe neci lalo canalingi ou munakazi, vakacambulula nakumwanukilao.”

Mako 14:9

Co mwa vushunga njimileka ngwange kwoshe kuvakambulwila evi Vin̄anda Vyavivwa mu kaye koshe neci lalo canalingi ou munakazi, vakacambulula nakumwanukilao.”

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.