Zakaliya 6:12 - Livulu lya Shukulu Kalunga

¹² Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Zakaliya 6:12 Iomraidhean Croise

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

Ezela 3:10

Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Isaya 11:1

Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 53:2

Capwile cizango ca Shukulu Kalunga ngeci ngamba yendi akole ngwe kamuti kakandondo kamena mu livu lyakuma. Kakele na kasingimiko nambe vuvwa ngeci tumukenge. Kakele na seo ngeci tumukomoke, nacimo cai catulupwisile mbunge ngeci tukenge kuli ikeye.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Ezekiyele 41:1

Asinoni uje munalume wanjitwalele mu mulili wa mukati, Mwela Wakujela. Co wasetekele ngila yakuya mukati, co wapwile mamita atatu mu kulova,

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Mika 5:5

co ikeye akanena kwoloka. Omo vaAsilya vakazengeleka lifuti lyetu nakuvujula vivumbe vyetu, co tukalanya vantwama vetu va nzili ngeci vakuvalwise.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 8:9

“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Mateo 26:61

vendekele ngwavo, “Ou munu wendekele ngwendi, ‘Yange njasa kusiwula eyi Njuvo ya Shukulu Kalunga, co lalo njasa kuyitunga a matangwa atatu lika.’ ”

Mako 14:58

“Twamuzivile alinakwendeka ngwendi, ‘Yange njikasiwula eyi Njuvo ya Shukulu Kalunga ivatungile kuli vanu, co omo kuneti matangwa atatu njikatunga yeka yakujeneka kutunga na mavoko a vanu.’ ”

Mako 15:29

Co vanu vaje vakele nakwita kuje vaningangesele mitwe yavo nakushaula Yesu ngwavo, “Lelo tumona! Yove washakele kusiwula Njuvo ya Shukulu Kalunga, co ukayitunga lalo a matangwa atatu!

Mako 15:39

Co mukulunu wa mashwalale uje wemanene kulutwe lwa cilindakano omo wamwene muje mwatsile Yesu wendekele ngwendi, “Mwa vushunga munalume ou wapwile Muna Njambi!”

Luka 1:78

Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,

Yowano 1:45

Filipu wawanene Natanele, co wamulekele ngwendi, “Tunawana uje yasonekele Mosesa mu livulu lya Lishiko, uje lalo ivasonekele vaka-kwimanena. Ikeye Yesu muna Yosefa, wa ku Nazaleta.”

Yowano 19:5

Ngecivene, Yesu watuukile anja, wazalele cilongo ca mambimbo na cikoveyo cacilaja cakuvenga. Pilato wendekele kuli vakevo ngwendi, “Kengeni! Munu ou!”

Vilinga vya Miluwa 13:38

Yeni voshe vavushoko vwange vaIsalele munapande kuzivuka ngeci mwa vushunga muli Yesu mukemwo valinakwambulula kuli yeni muzimbu wakusambesa kwa vivi.

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

1 Kolinte 3:9

Omwo tulinakupangela amo kuli Njambi, co yeni munapu lihya lya Njambi. Co lalo munapu kutunga kwa Njambi.

VaHevelu 10:12

Oloni Kilistu wakombelelele n̄ombelo imo a vivi, co yapwile n̄ombelo ya ku myaka yoshe, asinoni watumbamene ku livoko lya cilyo lya Njambi.

VaHevelu 7:24

Oloni Yesu wakala myaka yoshe, co vipangi vyendi vyakupwa muka-kukombelela kuvikasa kuya kuli munu weka lalo embwe.

VaHevelu 7:4

Kengeni vukama vwendi muvwafwa! Avilahama, kukulwila yetu, wamwaanene cavulikumi ku vyoshe vyawanene mu nzita.

VaHevelu 8:3

Muka-kukombelela woshe wakama vanamwimika mukwana vwana nakukombelela n̄ombelo ya tusitu kuli Njambi, co lalo muka-kukombelela wetu wakama napande kukala na cuma cimo cakukombelela.