Zakaliya 5:3 - Livulu lya Shukulu Kalunga

³ Co wendekele kuli yange ngwendi, “Mu livulu eli vanasonekao cisingo cije cikaya ano a kaye koshe. Mu mutambela umo wa livulu eli vanasonekamo ngwavo mwizi woshe vakamutundisa muno mu lifuti, co ku mutambela ukwavo vasonekao ngwavo woshe uje endeka makuli nakulisinga na ikeye lalo vakamutundisa mu lifuti.

Zakaliya 5:3 Iomraidhean Croise

Kutuuka 20:15

“Kesi mukaive.

Visimo 29:24

Uje apwa musamba wa mwizi napu citozi cendi vavenya. Vakamunyanyamesa nga endeka vushunga mu mbanja, co Njambi akamusinga nga kalingimo.

Visimo 3:33

Cisingo ca Shukulu Kalunga cakala a njuvo ya muka-vuvi, oloni akavezikisa membo a vaka-vushunga.

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Isaya 43:28

co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 2:9

Njamwene livoko lyakwolola liija kuli yange, lyakwatele livulu lyakuzenga.

Ndanyele 9:11

Isalele yoshe vapokwele mashiko ove nakuvyana kutolilila ku vije viwavalekele. Twalingile vuvi ku mesho ove, ngeci watusingile na cisingo cije civasoneka mu Lishiko lya Mosesa ngamba yove.

Hoziya 4:2

Valinga vikulaeso, co lalo vavipokola, vendeka makuli, nakutsiya, nakwiva, nakulinga vupangala. Muuka unatumu, co lalo kutsiya kwakulikavasana kulinakutwalao simbu yoshe.

VaLevi 19:11

“Kesi mukayive, nambe kwendeka makuli nambe kukwisa.

VaLevi 19:12

Kesi mukalisinge vya makuli nakushawisa lizina lya Njambi yeni. Yange njapwa Kalunga Njambi yeni.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Zakaliya 5:4

Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”

Zakaliya 8:17

Kesi mulitumbile matumbe akulivulumuna umo na mukwavo. Kesi mulisinge omo mwendeka makuli. Njazinda makuli kujeneka vushunga na muuka.”

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Malakiya 4:6

Co akatengulwila vimbunge vya vaishe kuli vana, nakutengulwila vimbunge vya vana kuli vaishavo, nga ngoconi, njikaija nakunyongesa lifuti na cisingo.”

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Luka 21:35

Omwo litangwa lije likaija ku vanu voshe vali ano asi.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

1 Timateo 1:9

Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu

Yakomba 5:12

Oloni a vyoshe evi, vasamba vange, kesi mulisinge omo mulinga cikumiiyo. Kesi mulisinge na lilu nameme na asi nameme na cuma coshe-icoshe. Oloni, “Eyo yeni ipwe eyo omwo munatava,” nambe “Embwe embwe yeni ipwe embwe omo munavyana,” nga ngoco, co vaka-nyanyamesa kuli Njambi.

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

Yoshwa 9:20

Tunapande tuvece vayoye omwo a cikumiiyo cetu ca cisingo. Nga tuvavulumuna, co Njambi akatuhisa.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.