Zakaliya 4:7 - Livulu lya Shukulu Kalunga

⁷ Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Zakaliya 4:7 Iomraidhean Croise

Ezela 3:10

Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Myaso 114:4

Minkinda yaningangele ngwe vimembe vajombozoka, co malundu ajajele ngwe vana va vimanga vatumbozoka.

Myaso 114:6

Yeni minkinda, omwo vikajo mwajombozokele ngwe vimembe? Neni malundu, omwo vikajo mwatumbozokele ngwe vana va vimanga?

Myaso 118:22

Limanya lije livavyanene vaka-kutunga, likelyo ololo linapu lya seo yakama kuli voshe.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Isaya 41:15

Njikamipwisa ngwe likina lyakujungwisa, lije lili na mayo amaha akuvambuka. Mukajungula minkinda ngwe muvakajungula tiliku nakuyishalamesa, co malundu akatsenoka kupwa likungu.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Hambakuke 3:6

Omo alikela, co kaye kajaja, omo akenga, co vanu voshe a kaye valijajela. Alingisa minkinda yalaja ngeci isanyozoke sanyu-sanyu, na malundu kumbwitama kwisi, malundu aje ikeye wendeleo ku san̄ulu.

Zakaliya 4:8

Co majwi akwavo ezile kuli yange akutunda kuli Shukulu Kalunga.

Zakaliya 4:9

Wendekele ngwendi, “Zelumbambele najala luvula lwa Njuvo yange, co ikeye lalo akaimanesa kuyitunga. Omo eci cikalingiwa, vanu vange vakazivuka ngeci yange njakutumine kuli vakevo.

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mako 12:10

Mwa vushunga kumwalavele majwi awa mu visoneka ndi? ‘Limanya lije livavyanene vaka-kutunga, likelyo ololo linapu lya seo kuli voshe.

Luka 20:17

Yesu wavakengele nakuvehula ngwendi, “Visoneka vyanunguluka vati? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe.’

Luka 3:5

Vimbongo vyoshe vanapande kuvyofwela, malundu oshe na minkinda vanapande kuvinyekumwisa, na vingila vya kupenga-penga vanapande kuvyolola vishungame, na vingila vyakuzika vanapande kuvilambesa.

Vilinga vya Miluwa 4:11

Yesu ikeye uje visoneka vyendekele ali ikeye ngwavyo, ‘Limanya lije limwayeluwisile yeni vaka-kutunga likelyo linapu lya seo yakama kutuvakana oshe.’

Loma 11:6

Kwangula kwendi kunajendamena a kutetela kwendi, kesi ngwe a vije vivanalingi embwe. Omwo nga kwangula kwa Njambi kwapwa kwa a vije vivalinga vanu, nga kutetela kwendi kukwapwile kutetela kwa vushunga.

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

1 Petulu 2:7

Eli linapu limanya lya seo yakama manene kuli yeni vaje vanakulaela, oloni kuli vaje kuvakulaelele, “Limanya lije vavyanene vaka-kutunga likelyo ololo linapu lya seo kuli voshe.”

Kujombolola 16:20

Man̄anda oshe atewele, co minkinda yoshe kuvaasele kuyimona lalo.