Zakaliya 4:14 - Livulu lya Shukulu Kalunga

¹⁴ Co wanjilekele ngwendi, “Ava vakevo vanalume vavali vaje vanaangula Njambi nakuvavwavesa ngeci vamupangele, ikeye Shukulu Kalunga wa ano asi oshe.”

Zakaliya 4:14 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 2:6

“Njinaka mwene yange a Siyone, lilundu lyange lyakujela.”

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Kutuuka 29:7

Asinoni ambata mazi akumuvwavesa, etile a mutwe wendi, co muvwavese.

Kutuuka 40:15

Asinoni vavwavese, ngwe muunavwavesa ishavo, ngeci vanjipangele kupwa vaka-kukombelela. Kuvwavesa oku kukavapwisa vaka-kukombelela ku visemwa vyavo vyoshe vya kulutwe.”

Isaya 5:1

Njikembila musamba wange mwaso wendi wakutumbula citungu cendi ca mikolovozi ya vushuka vwa vinyu. Musamba wange wakele na citungu cendi ca mikolovozi ya vushuka vwa vinyu a lilundu lya vwilo.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

VaLevi 8:12

Co ikeye wetilile mazi amo akuvwava a mutwe wa Alone nakumuvwavesa mukumujelesa.

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Zakaliya 6:13

Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’

Zakaliya 6:5

Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”

Luka 1:19

Co kangelo wamukumbulwile ngwendi, “Yange Ngambiliyele muka-kupangela Njambi uje nanjitumu kwendeka nove nakukunenela muzimbu ou wauvwa.

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

Yoshwa 3:11

Kengeni, Cikasa ca Cikumiiyo ca Shukulu Kalunga wa ano asi oshe cikajavuka Ndonga ya Yondau nakuya kulutwe lweni.

Yoshwa 3:13

Omo vaka-kukombelela vaje vanambata Cikasa ca Cikumiiyo ca Shukulu Kalunga wa ano asi oshe, vakalyata mendi avo mu mema, co mema a mu Yondau akemana, mema aje atunda ku cava akemana mutumbo ku mutambela umo.”

Kujombolola 11:4

Vaje vakaleo vavali vanapu miti ivali ije ya olive na vindeye vivali vije vinemana ku mesho a Mwene wa asi.

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”