Zakaliya 3:9 - Livulu lya Shukulu Kalunga

⁹ Njaka limanya limo kulutwe lwa Yoshwa lije likakala na mitambela itanu na ivali. Njikolao masona a cimweso, co mu litangwa limolika njikatundisa vuvi vwa lifuti eli.

Zakaliya 3:9 Iomraidhean Croise

1 Vimyene 1:20

Shukulu, vanu va Isalele voshe valinakukenga kuli yove ngeci uvaleke iyajo akakushwana.

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

Myaso 103:12

Ngwe muvyalyangunuka ngangela na kangombe ka yambi, mukemwo lalo mwakatundisa vuvi vwetu.

Myaso 118:22

Limanya lije livavyanene vaka-kutunga, likelyo ololo linapu lya seo yakama kuli voshe.

Kutuuka 28:11

Tonda mutongwe muka-kutaleka ataleke a tumamanya tuvali mazina a vana va Yakomba, co aka tumamanya otu mu tukwatelo twa ngolinde.

Kutuuka 28:21

Co ku tumamanya otu likumi na tuvali kamo na kamo talekao lizina lya umo na umo wa vana va Yakomba, mukwimanena miyati ya vaIsalele.

Kutuuka 28:36

“Co fula mande ya ngolinde yakujela yakupasha ngwe vulami, co talekao ngwe muje vakataleka a mamanya a cizivukiso ngwove, ‘Wakukundika kuli Shukulu Kalunga.’

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Zakaliya 3:4

Co kangelo wendekele ku mbunga ya vaka-mwilu vaje vemanene nendi ngwendi, “Shululeni vuzalo vwa mazilo ovu vwanazala ou munalume.” Asinoni wendekele kuli Yoshwa ngwendi, “Njinatundisa vuvi vwove, co njikwana vuzalo vwavuha ngeci uzale.”

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Vilinga vya Miluwa 4:11

Yesu ikeye uje visoneka vyendekele ali ikeye ngwavyo, ‘Limanya lije limwayeluwisile yeni vaka-kutunga likelyo linapu lya seo yakama kutuvakana oshe.’

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.