Zakaliya 3:8 - Livulu lya Shukulu Kalunga

⁸ Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 3:8 Iomraidhean Croise

Myaso 71:7

Kuyoya kwange kunapu cimweso ku vanu vavangi, omwo yove unapu cimpaka cange cakukola.

Isaya 11:1

Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Isaya 20:3

Omo Ashendonde vaifungulwile, co Shukulu Kalunga wendekele ngwendi, “Ngamba yange Isaya nende mushelengwa, co kazalele vin̄aku ku mendi a myaka itatu. Eci cinapu cimweso ca vije vikalingiwa ku Ingito na Sundane.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 49:3

Wendekele kuli yange ngwendi, “Isalele yove unapu ngamba yange, omwo ali yove, vanu vakanjishangazala.”

Isaya 49:5

Omo kanda njisemuke, Shukulu Kalunga wanjangwile, ngeci njimupangele, nakwilwisa vanu va Isalele vaje vanashandoka. Shukulu Kalunga nanjana kasingimiko, nakunjipwisa munu wa nzili.

Isaya 52:13

Shukulu Kalunga alinakwendeka ngwendi, “Kenga, ngamba yange akavezika mu vipangi vyendi, akapwa wakama, co vanu vakamusingimika manene.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Isaya 53:2

Capwile cizango ca Shukulu Kalunga ngeci ngamba yendi akole ngwe kamuti kakandondo kamena mu livu lyakuma. Kakele na kasingimiko nambe vuvwa ngeci tumukenge. Kakele na seo ngeci tumukomoke, nacimo cai catulupwisile mbunge ngeci tukenge kuli ikeye.

Isaya 8:18

Yange uno, na vana vaje vananjana Shukulu Kalunga. Tunapu tu vimweso mu Isalele vyakutunda kuli Shukulu Kalunga Muka-nzili yoshe uje wakala a Munkinda wa Siyone.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Ezekiyele 12:11

Valeke ngwove vije viwunalingi vinapu cimweso ca vije vikalingiwa kuli vakevo, vakavafungulula nakuvapwisa vinzinda.

Ezekiyele 12:6

Tava ngeci vakukengelele omo wambata citele a citsili cove nakuya mu lisusulungu oku unalalameka, ngeci kesi umone kuje kuulinakuya. Eci ciwulinga cikapwa kunangula Isalele.”

Ezekiyele 24:24

Asinoni njikapwa cimweso kuli yeni, vyuma vyoshe vije vinjinalingi, vikevyo vimukalinga neni. Shukulu Kalunga nendeka ngwendi omo eci cikasholoka, co mukazivuka ngeci ikeye napu Shukulu Kalunga wa Akamwa ya Vyoshe.’ ”

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Luka 1:78

Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,