Zakaliya 3:5 - Livulu lya Shukulu Kalunga

⁵ Co washikile vaje vemanene nendi ngeci vazike Yoshwa kalupusa kakujela ku mutwe wendi. Co valingile ngacije, asinoni vamuzikile vuzalo vwavuha oku kangelo ka Shukulu Kalunga nemana kuje.

Zakaliya 3:5 Iomraidhean Croise

Yombi 29:14

Njazalele vushunga ngwe vuzalo, co vukevwo vwanjifwikile, co kulongwa kwange kwapwile ngwe cikoveyo cacilaja, nakupwa ngwe cilongo.

Kutuuka 29:6

Co muzike kalupusa ku mutwe wendi, kutiiyao mande yakujela ije yakutaleka na majwi awa ‘Wakukundika kuli Shukulu Kalunga.’

Isaya 3:23

na vuzalo vwavo vwakupepuka, na vinanga vyavo vya linyu vya ku mavoko, na vinanga vyakuzenga mu mikoshi, na malesu a ku mitwe yavo.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Ezekiyele 42:14

Omo vaka-kukombelela vali mu Njuvo ya Shukulu Kalunga, co vashaka kuya ku cipango ca mbanja ya anja, vanapande kuseza vuzalo vwakujela mu milili eyi vuje vanazalele oku vapangela Shukulu Kalunga. Co vanapande kuzala vuzalo vweka omo kanda vaye anja ku mutambela kuje kuvanakungulukila vanu.”

Zakaliya 3:6

Asinoni kangelo walekele Yoshwa ngwendi,

Zakaliya 6:11

Tambula siliva na ngolinde vije vivanaana upange cilongo, ukacizike ku mutwe wa Yoshwa Muka-kukombelela Wakama, muna Yehozandake.

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.