Zakaliya 3:4 - Livulu lya Shukulu Kalunga

⁴ Co kangelo wendekele ku mbunga ya vaka-mwilu vaje vemanene nendi ngwendi, “Shululeni vuzalo vwa mazilo ovu vwanazala ou munalume.” Asinoni wendekele kuli Yoshwa ngwendi, “Njinatundisa vuvi vwove, co njikwana vuzalo vwavuha ngeci uzale.”

Zakaliya 3:4 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

Myaso 51:9

Fwika mesho ove kesi ukenge ku vuvi vwange, zimangana vuvi vwange vwoshe.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 52:33

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi kwoshe.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ezekiyele 42:14

Omo vaka-kukombelela vali mu Njuvo ya Shukulu Kalunga, co vashaka kuya ku cipango ca mbanja ya anja, vanapande kuseza vuzalo vwakujela mu milili eyi vuje vanazalele oku vapangela Shukulu Kalunga. Co vanapande kuzala vuzalo vweka omo kanda vaye anja ku mutambela kuje kuvanakungulukila vanu.”

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mika 7:19

Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Zakaliya 3:7

“Shukulu Kalunga Muka-nzili yoshe nendeka ngwendi, ‘Nga wenda mwamuvwa mu vingila vyange nakunyunga mashiko ange, co ukapwa mukulunu wa Njuvo yange na vimbanja vyayo, co njikaziva malombelo ove, ngwe munjikazivi malombelo a tungelo vaje vali ku mesho ange.

Zakaliya 3:9

Njaka limanya limo kulutwe lwa Yoshwa lije likakala na mitambela itanu na ivali. Njikolao masona a cimweso, co mu litangwa limolika njikatundisa vuvi vwa lifuti eli.

Mateo 22:11

“Oloni omo mwene wakovelelemo mukumona vaje vangenzi, co wawanenemo munu umo uje kazalele cikoveyo ca ciwano ca vulo.

Luka 1:19

Co kangelo wamukumbulwile ngwendi, “Yange Ngambiliyele muka-kupangela Njambi uje nanjitumu kwendeka nove nakukunenela muzimbu ou wauvwa.

Luka 15:22

Oloni ishe wasanene vangamba vendi ngwendi, ‘Zambuleniko! Neneni cikoveyo cacivwa mumuzike. Co lalo muzikeni kanzeya ku mulavo wendi na vin̄aku ku mendi endi.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Kolose 3:10

co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

VaHevelu 8:12

Njikavasambesa ku vivi vyavo, co kunjikanuka lalo vivulumuna vyavo.”

Kujombolola 5:11

Njakengele lalo, co njazivile tungelo vavangi-vangi mameme! Vemanene nakuzengeleka litanda, na vaje vikashama vawana akuyoya, na vakulunu,

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.