Zakaliya 3:2 - Livulu lya Shukulu Kalunga

² Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Zakaliya 3:2 Iomraidhean Croise

2 Mizimbu 6:5

‘Tunde a litangwa lije njatundisile vanu vange mu Ingito, kunjangwile nganda imo mu lifuti lyoshe lya Isalele ngeci vase kutungilamo Njuvo mwakunjilemesela, co kunjangwile munu umo ngeci atwamenene vanu vange va Isalele embwe.

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Myaso 109:31

omwo Shukulu Kalunga ikeye nemanena muka-kuutwa, nakumwamena kuli vaje vashaka kumutsiya.

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Zakaliya 1:17

Co kangelo wanjilekele lalo kwambulula ngwange, “Shukulu Kalunga Muka-nzili yoshe nendeka ngwendi vinganda vyendi vikashula na vivezikiso lalo, co akakwasa Siyone nakupwisa Yelusalema nganda yendi vavenya.”

Zakaliya 2:12

Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.

Mako 1:25

Asinoni Yesu washikile uje munzinzime ngwendi, “Oloka kuluu, co tunda muli munu ou!”

Mako 9:25

Co omo Yesu wamwene ngeci mbunga ije yakele nakumusindakana, ngecivene, washikile uje munzinzime wakujwala ngwendi, “Ove munzinzime wakujwala wa vusinda-matwi na vuveveve, njikushika ngwange tundamo muli ou mukwenje kesi ukelukile muli ikeye lalo!”

Luka 22:32

Oloni yange njinakulombelela Simoni, ngeci kukulaela kwove kesi kuhwe. Co omo ukatenguluka nakwiluka kuli yange, unapande kukatakamesa vakweni.”

Luka 4:35

Asinoni Yesu washikile uje munzinzime ngwendi, “Oloka kuluu, tunda muli munu ou!” Co uje munzinzime wawisilile uje munalume asi ku mesho avo voshe, co watundile muli ikeye kujeneka kumuvulumuna.

Luka 9:42

Omo mukwenje wakele nakwija, co munzinzime wakujwala wamuwisilile asi nakumushinyisa manene. Co Yesu washikile uje munzinzime wakujwala, uje mukwenje wakangukile, co wamwanene kuli ishe.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

Loma 8:33

Iyajo asa kuvangela vaje vanaangula Njambi? Njambi ikeye muka-kuvasambesa.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

Yunda 1:23

ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.

Yunda 1:9

Nameme uje kangelo wakama Mingeli kacilingile eci. Mukulikanangana kwendi na Liyavola, omo valizungilile muvila wa Mosesa, Mingeli kashukile kwendeka kuli Liyavola na majwi akumushaula, oloni wendekele kuli ikeye ngwendi, “Mwene akuvindike!”

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”