Zakaliya 3:1 - Livulu lya Shukulu Kalunga

¹ Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Zakaliya 3:1 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 48:16

Kangelo, uje wanjipatwile kukuvulumuka kwoshe, avavezikise! Lizina lyange na lizina lya tate Avilahama na Isake liyoye ali vanike ava! Vakale na vana vavangi na vatekulwila vavangi!”

1 Mizimbu 21:1

Satana washakele kunena vukalu ali vanu va Isalele, co wasindiiye Ndaviti ngeci alave vaIsalele.

2 Mizimbu 29:11

Vana vange, kesi muungumuke embwe. Shukulu Kalunga namyangula ngeci mumwenyekele insense nakutwamenena vanu nakumulemesa.”

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Myaso 109:6

Vendeka ngwavo, “Anguleni munu wamuvi ngeci amulwise, citozi cendi emane nakumuvangeya mulonga.

Njelemiya 15:19

Ngecivene, Shukulu Kalunga wakumbulwile ngwendi, “Nga utenguluka, co njikakutambula, ngeci unjipangele lalo. Nga wambulula vya seo, kesi kwambulula vyuma vyangoco, co ukapwa muka-kwimanena wange lalo. Vanu va mu Yunda vakatolilila vije ukendeka, kesi ukombe mbunge kukujujwisa kwavo.

Ezekiyele 44:11

Vasa kunjipangela mu Njuvo yange, mukunyunga vikolo nakupanga vipangi vya mu Njuvo yange. Vasa kutsiya vimuna vaje vavalinakukombelela vanu kupwa n̄ombelo ya kwenyeka, co lalo vakakala a vipangi ngeci vapangele vanu.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:12

Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Zakaliya 1:13

Co Shukulu Kalunga wakumbulwile uje kangelo na majwi akuzembeleka,

Zakaliya 1:19

Co njehwile uje kangelo wakele nakwendeka kuli yange ngwange, “Evi vimbinga vinalumbunuka cuma mukajo?” Co wanjikumbulwile ngwendi, “Vikevyo vinemanena nzili ya vanu va mu kaye vaje vashandwele vanu va mu Yunda, na vanu va mu Isalele, na ava va mu Yelusalema.”

Zakaliya 1:9

Co njamwihwile ngwange, “Mwane, ava tuvalu vanalumbunuka cuma mukajo?” Co wanjikumbulwile ngwendi, “Njikuleka muvanalumbunukila.

Zakaliya 2:3

Asinoni njamwene kangelo uje wakele nakwendeka nange ashwenya kulutwe, co kangelo mukwavo wezile nakuliwana nendi.

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 4:14

Co wanjilekele ngwendi, “Ava vakevo vanalume vavali vaje vanaangula Njambi nakuvavwavesa ngeci vamupangele, ikeye Shukulu Kalunga wa ano asi oshe.”

Zakaliya 6:11

Tambula siliva na ngolinde vije vivanaana upange cilongo, ukacizike ku mutwe wa Yoshwa Muka-kukombelela Wakama, muna Yehozandake.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Luka 22:31

“Simoni, Simoni! Satana nalombo ngeci amyeseke yeni voshe, kwangununa vavavwa ku vavavi ngwe muka-kulima mwakaangununa tiliku ku lijungu.

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

Kwituluka mu Mashiko 18:15

Shukulu Kalunga Njambi yeni akamitumina muka-kwimanena ngwe yange wakutunda akati keni vavenya, co mukamwononoka.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

1 Samwele 6:20

Ngecivene, vanu va ku Mbete Shemeshe vendekele ngwavo, “Iyajo asa kwimana ku mesho a Shukulu Kalunga, Njambi wakujela? Tukamutuma kulijo ngeci atunde kuli yetu?”