Zakaliya 2:9 - Livulu lya Shukulu Kalunga

⁹ “Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.” Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.

Zakaliya 2:9 Iomraidhean Croise

Isaya 10:32

Ku litangwa lya lelo vitozi vali mu limbo lya Nombe, co kuje valinakwinazeka vin̄ome ku Munkinda wa Siyone, ku nganda ya Yelusalema.

Isaya 11:15

Shukulu Kalunga akomisa Linema lya Suwezi, co akasana lihunzi lya ntwima kumisa cau Ndonga ya Yufuleti, kukasala lika vana va vindonga vatanu na vavali, ngecivene, munu woshe akasa kujavuka.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 13:2

Jundula pandelo ya nzita a lilundu lya miti! Tambekeni ku mashwalale, co vashovweyeni na livoko ngeci valwise vikolo vya nganda ya vanu va kulyalesa.

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Isaya 33:21

Shukulu Kalunga akatumwesa vumpau vwendi. Co tukakala ku ngenge ya vindonga vyakama na vana va vindonga vyavindondo, oloni mato a vitozi kuwakasa kujavukamo.

Isaya 33:23

Oloni lifuti lyeni linapu vwato vwakama vuje mikole yavwo inazeye, co nanga ije ikavwendesa na lihunzi kuyasa kushangumuka ngeci vwato vwende. Litangwa limo nameme yeni vilema mukambata vyuma vyakupukula ku vitozi veni.

Isaya 4:5

Asinoni Shukulu Kalunga akatuma lishelwa akamwa ya Munkinda wa Siyone na a voshe vaje vakakungulukilao, a simbu ya mutanya, na vwisi, na mulangi wa tuhya a simbu ya vutsiki. Co vumpau vwa Njambi vukafwika nakunyunga nganda yoshe.

Isaya 48:16

“Shwenyeni muyehi nange muzive evi vinjendeka. Kutunda ku vushangumukilo njendekele neni citona-mesho, co majwi ange simbu yoshe anapu a vushunga.” (Ololo Shukulu Kalunga wa Akamwa ya Vyoshe nanjitumu na nzili yendi.)

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 28:9

Oloni muka-kwimanena uje ambulula vuka-kwimanena vwa kwoloka, nga majwi aje ambulula anasholoka, co vakamutumbula ngwavo mwa vushunga Shukulu Kalunga ikeye namutumu.”

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Ezekiyele 39:10

Kuvakacava lalo vitale mu mahya, nambe kushinja miti mu shwata, omwo vakevo vakakala na vitwa vyakuseza mwangoco vyavingi vyakwota. Co vakapukula nakwivila vaje vavapukwilile nakuvevila. Munjinendeka yange Kalunga wa Akamwa ya Vyoshe.”

Njwele 2:27

Asinoni, Isalele, mukazivuka ngeci yange njili akati keni, ngeci yange Kalunga, njapwa Njambi yeni, co kukwesi weka lalo. Naumo wai akayeluwisa vanu vange lalo.

Hambakuke 2:17

Munashinji vishwata vya Lembanone, co neni lalo vakamishinja. Mwatsiile tusitu vamwo, co ololo tusitu vamwo vakamitewesa. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Hambakuke 2:8

Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Zefaniya 3:15

Shukulu Kalunga namanesa cihiso ceni, natundisa vitozi veni voshe. Shukulu Kalunga mwene wa Isalele ali amo neni, kukwesi cuma ceka lalo cakumizivisa lyova cai.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Zakaliya 2:8

Woshe akamipupa akapupa cuma ca seo yakama manene kuli yange.” Ngecivene, Shukulu Kalunga Muka-nzili yoshe wanjitumine na majwi awa ku miyati ya vanu vaje vapukwilile vanu vendi,

Zakaliya 4:9

Wendekele ngwendi, “Zelumbambele najala luvula lwa Njuvo yange, co ikeye lalo akaimanesa kuyitunga. Omo eci cikalingiwa, vanu vange vakazivuka ngeci yange njakutumine kuli vakevo.

Zakaliya 6:15

Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!

Yowano 13:19

Njamilekela cimweja simbu kanda cuma eci cilingiwe, ngecivene, omo cilingiwa, mukakulaela ngweni, ‘Yange Ou Njapwa Munjapwa.’

Yowano 16:4

Oloni njamileka vyuma evi, ngeci omo simbu yavo iketa yakulinga vyuma evi, mukanuke ngeci njamilekevyo. “Kunjamilekele vyuma evi akulivanga, omwo njakele amo neni.