Zakaliya 2:8 - Livulu lya Shukulu Kalunga

⁸ Woshe akamipupa akapupa cuma ca seo yakama manene kuli yange.” Ngecivene, Shukulu Kalunga Muka-nzili yoshe wanjitumine na majwi awa ku miyati ya vanu vaje vapukwilile vanu vendi,

Zakaliya 2:8 Iomraidhean Croise

Kushangumuka 20:6

Co Njambi wamukumbulwile mu njozi ngwendi, “Eyo, njazivuka ngeci yove kuwesi na mulonga. Mukemwo vene njakunyungile ngeci kesi ulinge cuma cimo na Sala.

2 Vimyene 24:2

Shukulu Kalunga watumine vimbunga vya mashwalale vya vaMbambilone na vya vaSilya na vya vaMowavi na vya vaAmoni kulwisa Yehoyakime ngeci vanyongese Yunda, ngwe muje mwendekele Shukulu Kalunga ali vangamba vendi vaka-kwimanena ngeci akacilinga.

Myaso 17:8

Njinyunge ngwe muukanyungu mun̄andi wa lisho, co njinyunge ngwe mwakanyungu kazila vana vendi mu mambava endi

Visimo 7:2

Nyunga mashiko ange, co ukayoya, nyunga vilongesa vyange ngwe muukanyungu vufuko vwaseo yakama.

Isaya 49:19

“Lifuti lyove lyaviile, co lyapwile ngundu, oloni ololo likashula manene na vanu vaje valinakwija nakutungamo. Na vitozi vove voshe vakakala kulyala nove.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Ezekiyele 25:12

Shukulu Kalunga wa Akamwa ya Vyoshe wendekele ngwendi, “Vanu va Endome vakele na muuka wa shambandinga ali Yunda, shambandinga ije yanenele mulonga simbu yoshe ali Endome.

Ezekiyele 25:15

Shukulu Kalunga wa Akamwa ya Vyoshe wendekele ngwendi, “VaFilisitiya vali na muuka wa shambandinga a vitozi vavo valaja, nakuvanyongesa mu cizindo cavo.

Ezekiyele 26:2

“Muna munu, vanu va mu nganda ya Tile vanakuu vanu va mu Yelusalema ngwavo, ‘Ehe! Yelusalema vanayisiwula! Nzili yendi yakulanda nakulandesa inahu! Kakapu lalo citozi cetu!’

Ezekiyele 26:20

Njikakushelumwisa kwisi mu lifuti lya vukalo vwa vatsi, ukalipandakana na vanu vaje vakeleko ku simbu ya ku san̄ulu. Ukakala muje mu lifuti lya vatsi myaka yoshe nakulipandakana amo na vatsi. Kuje vene kuukasa kwiluka mukutambula mutambela wove lalo mu lifuti lya vaka-kuyoya.

Ezekiyele 35:5

“Mwapwile citozi ca Isalele ku myaka yoshe, nakutava ngeci vanu vendi vavatsiye ku simbu yendi ya tuyando twakama, a simbu yakunyanyamesa kwendi kwakumaneselela omwo vuvi vwendi.

Ezekiyele 36:11

Njikawezelela ku vanu na ku vingombe. Co mukatuma manene kutuvakana mumwapwile akulivanga, co mukakala na vana vavangi. Njikamitava kuyoyela kuje ngwe muje mumwayoyele laja, co njikamitumisa nakukala mu kwoloka kutuvakana akulivanga. Asinoni mukazivuka ngeci yange njapwa Kalunga.

Ezekiyele 38:11

Ukayongola kukovelela lifuti lije lyakuzeya muje vanu vamwo vakala mu kwoloka, mu vinganda kuvyesi na vivumbe vyakuvavingilikiya.

Ezekiyele 38:14

Ngecivene, Shukulu Kalunga wa Akamwa ya Vyoshe wanjitumine kuleka Ngonge vije vyendekele kuli ikeye ngwendi, “Ololo omo vanu vange va Isalele vali mu kwoloka, yove ukakatuka,

Amose 1:11

Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Amose 1:9

Shukulu Kalunga alinakwendeka ngwendi, “Vanu va ku Tile vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe mu vunzinda mu lifuti lya Endome, co kuvanyungile lizivasano lya vusamba vuvalingile.

Mika 4:11

Miyati ya vanu vavangi vanalikungulula nakumilwisa. Vendeka ngwavo, “Yelusalema vanapande kuyinyongesa! Tukamona ije nganda inanyongo!”

Mika 5:6

A nzili ya vitwa vakafungulula Asilya, na lifuti lya Nimelonde, co vakatwamena kuli vaAsilya omo vakovela mu lifuti lyetu.

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Hambakuke 2:17

Munashinji vishwata vya Lembanone, co neni lalo vakamishinja. Mwatsiile tusitu vamwo, co ololo tusitu vamwo vakamitewesa. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Hambakuke 2:8

Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Zefaniya 2:8

Shukulu Kalunga Muka-nzili yoshe alinakwendeka ngwendi, “Njazivi vanu va Mowavi na Amoni vatuka nakutomba vanu vange, co vali na kulyalesa ngwavo vasa kutambula lifuti lyavo.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Zakaliya 2:9

“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.” Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.

Zakaliya 8:5

Co vakwenje na vambanda vakakala mu vitapalo nakweelamo.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 25:45

Asinoni akavakumbulula ngwendi, ‘Mwa vushunga njimileka ngwange, omo kumwacilingile kuli umo wa ava vavandondo, kumwacilingile kuli yange.’

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.

Yowano 17:18

Njavatumine ano a kaye, ngwe omo yove wanjitumine ano a kaye.

Vilinga vya Miluwa 9:4

Co wawililile asi wazivile lijwi lyendekele kuli ikeye ngwalyo, “Saulu, Saulu! Vika ulinakunjiyandesela?”

Kwituluka mu Mashiko 32:10

“Ikeye wavawanene vendangana mukati ka mambo, mu mambo, mwakuhuwa lihunzi, mwakujeneka mema. Ikeye wavanyungile nakuvalela, ngwe munu mwakanyungu lisho lyendi.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.