Zakaliya 2:4 - Livulu lya Shukulu Kalunga

⁴ Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Zakaliya 2:4 Iomraidhean Croise

Esita 9:19

Eci cikeco calingisa vaYunda ava valinakuyoya mu membo kunyunga litangwa lyamulikumi na awana ku ngonde ya Andale kupwa litangwa lyakuhwima nakujolela, simbu ya ciwano cakulya nakulyana mavwana kuli umo na mukwavo.

Isaya 33:20

Kengeni Siyone, nganda ije mutukalingila viwano vyetu vya vuNjambi. Kengeni Yelusalema! Ukapwa mutambela wauvwa kuli vaje vakakalamo! Ukapwa ngwe mbalaka ije kuvesi kushwenyesa na vipampalingo vyayo kuvyesi kushimbuka, na mukole wayo kuwesi kushutuka.

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 49:20

Vanu vove vaje vasemukilile mu vunzinda, litangwa limo vakendeka kuli yove ngwavo, ‘Lifuti eli lyalindondo manene, tushaka mutambela wakama tukalemo!’

Isaya 54:16

“Yange njatangele muka-kufula, uje akafulu vitwa a tuhya. Yange lalo njatangele lishwalale, uje muka-kupangesa vije vitwa mukutsiya.

Njelemiya 1:6

Co njakumbulwile ngwange, “Shukulu Kalunga wa Akamwa ya Vyoshe, kunjizivukamo kwendeka, nji mwanike wamundondo.”

Njelemiya 31:24

“Vanu vakakala mu Yunda na mu vinganda vyamwo vyoshe, co kukakala vandimi na tunyungi na matanga avo.

Njelemiya 31:27

“Yange Kalunga, njendeka ngwange simbu ilinakwija, omo njikatumisa vanu na tusitu mu lifuti lya Isalele na Yunda.

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Ezekiyele 38:11

Ukayongola kukovelela lifuti lije lyakuzeya muje vanu vamwo vakala mu kwoloka, mu vinganda kuvyesi na vivumbe vyakuvavingilikiya.

Ndanyele 1:17

Ngecivene, Njambi waanene vaje vakwenje vawana mana nakuzivisisa na vutongwe mu vilongesa vyavo. Co lalo waanene Ndanyele mana akulumbununa vimona na vinjozi.

Ndanyele 1:4

Vakevo vanapande kupwa vavavwa akuvakenga, vakunyanyama, vaje vavalongesa mwamuvwa, vaka-mana mukulilongesa, vakujeneka kapenga ngeci vakapange mu lipela lya mwene. Co Ashepenaze avalongese kulava nakusoneka ndaka ya vaMbambilone.

Mika 7:11

Vanu va mu Yelusalema, simbu yakutungulula vivumbe vya nganda ilinakwija. A simbu ije vene lifuti lyeni likapwa lyakama.

Zakaliya 1:16

Ngecivene, njineluka lalo ku Yelusalema mukuzivila mema ku mbunge nganda eyi. Co vakatungulula Njuvo yange, nakutungulula lalo nganda.”

Zakaliya 1:17

Co kangelo wanjilekele lalo kwambulula ngwange, “Shukulu Kalunga Muka-nzili yoshe nendeka ngwendi vinganda vyendi vikashula na vivezikiso lalo, co akakwasa Siyone nakupwisa Yelusalema nganda yendi vavenya.”

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 14:12

Shukulu Kalunga akanena mushongo wakukomokesa a miyati ya vanu voshe vaje valwisa Yelusalema. Situ yavo ikavola oku vakevo vacili nakuyoya, mesho avo na vindaka vyavo vikavola.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.