Zakaliya 2:13 - Livulu lya Shukulu Kalunga

¹³ Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Zakaliya 2:13 Iomraidhean Croise

2 Mizimbu 30:27

Vaka-kukombelela na vaLevi vemanene, co valombele vivezikiso vya Shukulu Kalunga ngeci viije ali vanu. Njambi wavazivile, omwo malombelo avo etele mwilu, mwimbo lyendi mwakujela.

Myaso 11:4

Shukulu Kalunga ali mu Njuvo yendi yakujela, ikeye ali a litanda lyendi mwilu. Mesho endi alinakukenga a vanu voshe, azivuka vije valinakulinga.

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 68:5

Njambi uje wakala mu Njuvo yendi yakujela, ikeye muka-kulela visiwa nakunyunga vifwile.

Myaso 78:65

Akukotoka Shukulu Kalunga wendukile ngwe munu atunda a tulo, wafwile ngwe cingenyenye uje navwaelela omwo napende vinyu.

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 41:1

Njambi alinakwendeka ngwendi, “Olokeni kuluu nakutolilila kuli yange, yeni muli mu mafuti a kulyala! Pweni vanu vakusimpa, shwenyeni kuno ngeci mwakwendeke. Ijeni tulikungulwile amo nakuyongola iya nashungamesa.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 57:5

Mulinakulemesa vinjambi va tumponya nakulingila vupangala mwisi ya miti yeni yakujela. Mulinakukombelela vana veni mu manzenzengoma a mamanya kuyehi na muna ndonga.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Njelemiya 25:30

“Yove Njelemiya, unapande kwambulula vyuma vyoshe vinjinendeka. Unapande kuleka vanu ava ngwove, ‘Shukulu Kalunga alinakwaana ngwe ndumba oku ali mwilu, nakuluma mwilu ya melu, akaana ngwe ndumba mukulwisa vanu vendi, akatambeka ngwe munu alinakulyatangela mikolovozi ya vushuka vwa vinyu. Vanu voshe va ano asi vakamuziva,

Hambakuke 2:20

Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Zakaliya 4:9

Wendekele ngwendi, “Zelumbambele najala luvula lwa Njuvo yange, co ikeye lalo akaimanesa kuyitunga. Omo eci cikalingiwa, vanu vange vakazivuka ngeci yange njakutumine kuli vakevo.

Zakaliya 6:15

Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

Kwituluka mu Mashiko 18:21

“Co nga mukalyendekesa mu vimbunge vyeni ngweni, ‘Akajo tukazivukila lijwi lije lyendeka muka-kwimanena ngwetu linatundu kuli Shukulu Kalunga?’

Kwituluka mu Mashiko 18:22

Omo muka-kwimanena endeka mu lizina lya Shukulu Kalunga, nga cije cuma alinakwendeka kuvacilingile nambe kucasholokele, co cuma cije kesi Shukulu Kalunga nacendeka. Co uje muka-kwimanena nendeka nakwamuka, kesi mukamuzivile lyova embwe.

Kwituluka mu Mashiko 26:15

Co kenga ano asi oku uli mu mwela wove wakujela mwilu, vezikisa vanu vove vaIsalele na livu liwunatwana, ngwe muje muwakulaesele vakukulwila vetu, lifuti lyalivwa nevi vyakujenekamo vyai.’