Zakaliya 2:12 - Livulu lya Shukulu Kalunga

¹² Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.

Zakaliya 2:12 Iomraidhean Croise

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Esita 6:13

Co ikeye walekele munakazi wendi na vasamba vendi voshe vyuma vyoshe vije vyalingiwile kuli ikeye. Asinoni munakazi wendi na vaje vasamba vendi vaka-mana vamulekele ngwavo, “Molendekai nashangumuka kukuhyana ku moko. Ikeye wapwa kaYunda, co kuwasa kumuhyana. Mwa vushunga vene akakufungulula.”

Myaso 105:15

Wendekele kuli vakevo ngwendi, “Kesi muvulumune vangamba vange vakwangula, co kesi muvulumune vaka-kwimanena vange!”

Myaso 132:13

Shukulu Kalunga naangula Siyone kupwa limbo lyendi.

Myaso 132:14

“Omu mukemwo munjikakala myaka yoshe, omu mukemwo munjishaka kushwana.

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Myaso 33:12

Wavezika vanu vaje Njambi ikeye napu Shukulu Kalunga kavo, vavezika vanu vaje vanaangula Njambi ngeci vapwe vushwana vwendi!

Myaso 82:8

Lingao cimo yove Njambi, sompa miyati ya kaye yoshe, omwo miyati yoshe yapwa yove.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 17:14

A simbu ya cingwezi kulwa kwavo kuzivisa lyova, oloni ku mutondo voshe vavanyongesa. Eci cikeco cikalingiwa kuli vanu vaje vakatambula lifuti lyetu nakupukula vufuko vwetu.

Isaya 41:9

Njamitundisile ku mamaneselelo a kaye, njamisanene kutunda ku vimbango vyakulyala vya kaye, co njendekele kuli yeni ngwange, ‘Yeni munapu vangamba vange.’ Kunjamivyanene embwe, oloni njamyangwile.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 30:16

Voshe vaje vaminyongesa na vakevo vakavanyongesa, co vitozi veni voshe vakavatwala ku vunzinda. Voshe vaje vamiyandesa, na vakevo vakavayandesa, voshe vaje vapukula vyeni, na vakevo vakavapukula vyavo.

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Zakaliya 1:17

Co kangelo wanjilekele lalo kwambulula ngwange, “Shukulu Kalunga Muka-nzili yoshe nendeka ngwendi vinganda vyendi vikashula na vivezikiso lalo, co akakwasa Siyone nakupwisa Yelusalema nganda yendi vavenya.”

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Kwituluka mu Mashiko 32:10

“Ikeye wavawanene vendangana mukati ka mambo, mu mambo, mwakuhuwa lihunzi, mwakujeneka mema. Ikeye wavanyungile nakuvalela, ngwe munu mwakanyungu lisho lyendi.

Kwituluka mu Mashiko 32:9

Oloni ikeye walyangwilile vatekulwila va Yakomba, wavaangwile kupwa vushwana vwendi.