Zakaliya 14:20 - Livulu lya Shukulu Kalunga

²⁰ A litangwa lije vakasoneka a vingenjo vya tuvalu ngwavo, “Vyakukundika kuli Shukulu Kalunga.” Vindeo vya mu Njuvo ya Shukulu Kalunga vikapwa vyakujela ngwe malonga a ku mutula.

Zakaliya 14:20 Iomraidhean Croise

1 Vimyene 7:50

na vinganja, na vyakuzimisa vindeya, na malonga, na vimbashiya vya insense, na vikango vyakwambatela manungu a tuhya, na vikwateso vya mapito a ku Mwela Wakujela Manene, na vikolo vya anja ya Njuvo ya Shukulu Kalunga. Vivala vyoshe evi vavilingisile ngolinde.

2 Mizimbu 4:8

Co wapangele lalo vimesa likumi, wavyakele mu Njuvo ya Shukulu Kalunga, vitanu ku cilyo, vitanu ku cimoshwe. Co wapangele malonga a ngolinde akupwa 100.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Kutuuka 25:29

Co fula malonga, na vinganja, na vinjava, amo na tulonga twatundondo twakupangesa a milambu ya vinyu. Co vyoshe evi vifule na ngolinde yakujela.

Kutuuka 37:16

Wafulile vyuma vyoshe vya mesa na ngolinde yakujela, na malonga, na vinganja, na vinjava, amo na tumalonga twatundondo twakupangesa a milambu ya vinyu.

Kutuuka 39:30

Vafulile mande ya ngolinde yakujela yakupasha kupwa cizivukiso cakujela cakukundika, co vatalekeleo “Wakukundika kuli Shukulu Kalunga.”

Isaya 23:18

Vimbongo vyakawana akulandulula vakavikundika kuli Shukulu Kalunga. Kuvakavitulikila mu nganda embwe, oloni vaje vaka-kulemesa Shukulu Kalunga vakapangesa vimbongo evi mukulanda vyakulya na vuzalo.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Njelemiya 31:40

Mu cimbongo muje vakatsindi vivimbi, nakumbila vishwashwa, na mahya oshe a vulamatelo a kandonga ka Kindelone kuketa na ku Cikolo ca Tuvalu mu ngangela, kuli yange ikapwa mitambela yakujela. Nalumo lwai lalo vakasiwula Yelusalema nambe kuyinyongesa.”

Ezekiyele 45:1

Omo mulitavwila lifuti kwana ku muyati umo na umo, co vangununeko mutambela umo vaukundike kuli Shukulu Kalunga. Unapande kupwa makilomita likumi na avali na litambelo mu vulaja, co mu vwihi makilomita likumi. Mutambela woshe ukapwa wakujela.

VaLevi 6:28

Ndeo yoshe ya vuma muje vanateleka ije situ vanapande kwitsiya, co nga vanapangesa ndeo ya cikuvo vanapande kwipala nakuyikushungula na mema.

VaLevi 8:9

Co wamuzikile kalupusa ku mutwe wendi, co kulutwe lwako waakeleko mande ya ngolinde ya cimweso cakujela cakulikundika, ngwe muje mwamushikile Shukulu Kalunga.

Ovandiya 1:17

“Oloni a Munkinda wa Siyone, vamo vakavomboloka, co ukapwa mutambela wakujela. Vanu va Yakomba, vakashwana lifuti lyavushwana vwavo.

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Zakaliya 14:19

Eci cikapwa cihiso ca a Ingito na a miyati ya vanu voshe nga kuvakalisamba Ciwano ca Mapapela.

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Kulava 4:14

Co vakakeo vivala vyoshe vyakupangesa ku mutula, na vikango vya tuhya, na makulo, na vifwosholo, na tumalonga. Asinoni vakavifwike na vilambu vya mavau vyakufutungula mwamuvwa nakushomazekako mikambo yakwambatela.

Kulava 4:7

“Co vakajala nanga yakuzivuluka a mesa aje vakaka makende a ku mesho a Shukulu Kalunga, nakwakao lalo malonga akukunama, na malonga akwenyekela insense, na malonga a milambu, na vinjava vya milambu ya vinyu. Co makende akakale a mesa simbu yoshe.

Kulava 7:13

Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

Kulava 7:19

Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Vilinga vya Miluwa 10:15

Co lijwi lyendekele kuli ikeye lalo ngwalyo, “Vije vyanajelesa Njambi kesi uvitumbule ngwove vya mazilo.”

Vilinga vya Miluwa 10:28

Co wendekele kuli vakevo ngwendi, “Yeni munazivuka ngweni kaYunda lishiko lyendi kulimutavesa kwendela nambe kulizema na ava kesi vaYunda. Oloni Njambi nanjimwesa yange ngeci kesi njiyongole munu umo ngwange wakujwala nambe ngwange wakujeneka kujela.

Vilinga vya Miluwa 11:9

Oloni lijwi lyatundile mwilu lyendekele lalo ngwalyo, ‘Vije vyanajelesa Njambi kesi uvitumbule ngwove vyakujwala.’

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

Kujombolola 20:6

Kuvwaelela nakuvezika kwakama kuli vaje vakasanguka a cisangukilo cakulivanga. Kutsa kwamucivali kucesi na nzili ali vakevo, vakapwa vaka-kukombelela va Njambi na Kilistu, co vakashwana amo nendi myaka 1,000.

Kujombolola 5:10

Co unavapwisa vumwene vwa vaka-kukombelela mukupangela Njambi yetu, co vakashwana ano asi.”

1 Samwele 2:14

co akovelesa cimbonde mu ndeo ije valinakuteleka, vyoshe vije citiva cije cimbonde ca mishomo, co vinapu vya muka-kukombelela. VaIsalele voshe vaje vezile ku Shilo mukukombelela vin̄ombelo, mukemwo muvakele nakuvalinga mu cifwa eci vene.