Zakaliya 14:2 - Livulu lya Shukulu Kalunga

² Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.

Zakaliya 14:2 Iomraidhean Croise

Isaya 13:16

Vakamonako omo vakatsena vimbututu vavo a mamanya, vinjuvo vyavo vakavipukula, co vanakazi vavo vakavalinga vyuma vya shwamwa.”

Isaya 4:3

Munu woshe uje nasalao mu Yelusalema, uje yanaangula Njambi ngeci ayoye vakamutumbula wakujela.

Isaya 5:26

Shukulu Kalunga akalinga cizivukiso cakusana miyati yeka yakulyala. Navasana na mulozi, co kengeni, valinakwija lumbisi!

Isaya 65:18

Vwaeleleni nakujolela myaka yoshe mu vyuma vyaviha vinjinatanga. Yelusalema yaiha injitanga mukakala kujolela, co vanu vamwo vakavwaelela.

Njelemiya 21:4

vakaleke Zendekiya vije vyendekele Shukulu Kalunga Njambi ya Isalele ngwange Shukulu Kalunga nendeka ngwendi, “Zendekiya njikafungulula mashwalale vove vaje valinakulwa na mwene wa ku Mbambilone na mashwalale vendi. Njikakungulwila amo vitwa vya mashwalale vove mukati ka nganda.

Njelemiya 34:1

Shukulu Kalunga wendekele kuli yange omo Mwene Nevukaneza wa Mbambilone na nzita yendi, na mbunga ya vanu vaje vamukwasele vakutunda ku miyati ya vanu voshe, na ku mafuti oshe aje ononokele kuli ikeye, valwisile Yelusalema na vinganda vyakwatako.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Njwele 3:9

“Ambululeni akati ka mafuti ngweni, ‘Livwaeseleni cimweja kulwa nzita, saneni vaka-kulwa, kungululeni mashwalale voshe ngeci vaye!

Amose 7:17

Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”

Zakaliya 12:2

“Njikapwisa Yelusalema ngwe nganja ya vinyu, miyati ya vanu vaje vanazengelekako vakanwako, co vakapelyangela ngwe vaka-kupenda. Co omo vakavandamena Yelusalema mukuyilwisa, co na vinganda vikwavo vya mu Yunda vakavivandamena mukuvilwisa lalo.

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.

Zakaliya 12:9

Co a simbu ije njikanyongesa muyati woshe wa vanu vaje vakeseka kulwisa Yelusalema.

Mateo 22:7

Mwene waluvalele manene, co watumine mashwalale vendi vaile nakutsiya vaje vatsiile vaje vindungo, co venyekele nganda yavo.

Mako 13:14

“Oloni mukamona cimweso ca Vunyengwe cinemana kuje kucapandele kukala.” (Yove ulinakulava zivisisa muvinalumbunukila!) “Asinoni vaje vali mu Yundeya vakatewele ku malundu.

Mako 13:19

Omwo a matangwa aje kukakala n̄avava ije kanda vaimoneo laja ano a kaye tunde akushangumuka omo Njambi watangele kaye kweta nalelo lino. Nambe kulutwe kuyikakalako lalo.

Luka 2:1

Co capwile ngeci a matangwa aje kuli Sezale Angustu kwatundile lishiko ngeci vasoneke vanu voshe mu Vumwene vwa Loma.